જામનગર : જિલ્લા કલેક્ટરે શ્રેષ્ઠ કામગીરી કરનાર બીએલઓને નગરજનો સમક્ષ "હીરો તરીકે સન્માનિત કર્યા

December 11, 2025 06:29 PM

જામનગર જિલ્લામાં સઘન મતદાર સુધારણા કાર્યક્રમ અન્વયે બૂથ લેવલ ઓફિસર્સ દ્વારા મતદાર સુધારણાની કામગીરી ઝડપભેર અને સુવ્યવસ્થિત ચાલી રહી છે. ત્યારે બીએલઓનું મનોબળ વધે અને તેઓને યોગ્ય પ્રોત્સાહન મળે તે માટે જિલ્લા ચૂંટણી અધિકારી અને જિલ્લા કલેક્ટર કેતન ઠક્કરે એક નવતર અને પ્રેરક અભિગમ અપનાવ્યો છે.

કલેક્ટરએ જિલ્લાની તમામ પાંચ વિધાનસભા મત વિસ્તારોમાં શ્રેષ્ઠ કામગીરી કરનાર વિસ્તાર દીઠ બે મળી કુલ ૧૧ તથા ૫ સુપરવાઇઝર્સને કલેક્ટર કચેરી ખાતે રૂબરૂ બોલાવી તેઓની કર્મનિષ્ઠાને બિરદાવી સન્માનિત કર્યા હતાં. કલેક્ટરએ આ તકે પાસેથી કામગીરીના અભિપ્રાયો પણ જાણ્યા હતાં સાથે જ કામગીરી દરમિયાન આવતા પડકારો અંગે પણ વિસ્તૃત માહિતી મેળવી હતી અને કઈ રીતે તેઓએ ૧૦૦% કામગીરી પૂર્ણ કરી એ અંગેની વિગતો પણ જાણી હતી.

એટલું જ નહીં આ તમામની કામગીરી નગરજનો સુધી પણ પહોંચે તે માટે કલેક્ટરએ એક અનોખો માનવીય અભિગમ દાખવી શહેરના વિખ્યાત રણમલ તળાવ ખાતે તમામના ફોટોગ્રાફ સાથેની પોસ્ટર સ્ટેન્ડીઝ મુકાવી હતી. સાથે જ શહેરના સાત રસ્તા સર્કલ, ડી.કે.વી.કોલેજ સર્કલ તથા બેડી ગેટ પર પણ તમામને વીડિયો ડિસ્પ્લે બોર્ડ પર પ્રદર્શિત કરીને તેઓને યથાયોગ્ય જાહેર સન્માન પૂરું પાડ્યું હતું.

જામનગરના એ પણ કલેક્ટરની આ સંવેદનશીલ કામગીરીને બિરદાવી કલેક્ટર કેતન ઠક્કર, નાયબ જિલ્લા ચૂંટણી અધિકારી આદર્શ બસેર તથા સમગ્ર જિલ્લા ચૂંટણી તંત્રનો સહર્ષ આભાર વ્યક્ત કર્યો હતો અને આ સન્માનથી તેઓને જુસ્સો અને નવું બળ મળશે તેમ જણાવ્યું હતું જે આગામી કામગીરી માટે તેમને વધુ પ્રોત્સાહિત કરશે.

શ્રેષ્ઠ કામગીરી કરનાર સુપરવાઇઝર તથા બીએલઓ...

જામનગર જિલ્લામાં સમાવિષ્ટ પાંચ વિધાનસભા મતવિભાગના સુપરવાઈઝર ભીખાભાઈ પીઠીયા, બી.એલ.ઓ. રોહિત બાંભવા, ગુલામમદોયુદીન પઠાણ, સંજયકુમાર કામાણી, સુપરવાઈઝર ડો.સુનિલ લોહિયા, જીતેન્દ્ર ચોવટીયા, ભાવિક ડી.પટેલ, સુપરવાઈઝર કેતન ધોળકિયા, રમેશભાઈ બાબરિયા, મયુરભાઈ ખાણધર, સુપરવાઈઝર ભાવિક મેઘાણી, બાદી ગુલામમહ્યુદીન, રામચંદ્ર લાખાણી, સુપરવાઈઝર સી.જે.સુરેજા, નિર્મળાબેન મહેતા, વારસંકિયા અજયભાઈને સન્માનિત કરાયાં હતાં.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગર : જિલ્લા કલેક્ટરે શ્રેષ્ઠ કામગીરી કરનાર બીએલઓને નગરજનો સમક્ષ "હીરો તરીકે સન્માનિત કર્યા

Recent News

Gujarat's No. 1 evening newspaper