રાજકોટના એક મહિલા ખાનગી ઇકો કારમાં બેસીને જામનગર આવ્યા હતા ત્યારે તેમનું લેપટોપ ઇકો કારમાં ભુલાઈ ગયુ  હતું  આજે તેણે પોલીસ નો સંપર્ક કરતાં કમાન્ડ એન્ડ કંટ્રોલરૂમ દ્વારા ઇકો કાર ને શોધી કાઢી ને તેના ચાલક પાસે થી  લેપટોપ મેળવી ને અરજદારને આપી દેવામાં આવ્યું હતું.

આજે અરજદાર શ્રીમતી આશા એસ. રાજ નાયર (રાજકોટ એસ. જી. ગરેયા આર્યુંવેદીક કોલેજ ના આસી. પ્રોફેસર) રહે. આર્ય ભગવતી સોસાયટી સરમત જી. જામનગર) જેઓ રાજકોટ થી જામનગર આવવા માટે ઇકો ગાડીમાં બેસેલ હતા. જે દરમ્યાન સાત રસ્તા સર્કલ ઉતરી ને ઘરે જતી વખતે યાદ આવેલ કે પોતાનુ  લેપટોપ કિ.રૂ. ૮૦,૦૦૦ આ ઇકોગાડીમાં ભુલાઇ ગયેલ હોય જે બાબતે કમાન્ડ એન્ડ કંટ્રોલ રૂમનો સંપર્ક કરતા એ.એસ.આઇ પી.એ.ખાણધર, પો.હેડ.કોન્સ. પ્રદિપસિંહ સોઢા, તથા પો.કોન્સ જેશાભાઇ ડાંગર તથા મિતલબેન સાવલીયા સહિતના અધિકારી/કર્મચારી દ્વારા અલગ અલગ સીસીટીવી ની મદદ થી અરજદાર ઇકો નં. જીજે-૧૦-ટી એક્સ -૩૮૬૫ માં બેસેલનું જણાતા સોફ્ટવેરની મદદથી ઇકોના માલિકનો સંપર્ક કરી તેની પાસેથી ઇકોચાલકના મોબાઇલ નંબર મેળવી તેનો સંપર્ક કર્યો હતો અને ઉપરોક્ત  લેપટોપ ઇકોચાલક પાસે થી મેળવી ને અરજદાર ને ગણતરી ની કલાકમાં સોંપી આપવામા આવ્યું હતું. જેથી તેઓએ પોલીસ ટીમનો આભાર માન્યો હતો.