ગીર સોમનાથની કોડીનાર પોલીસે પ્રશંસનીય કામગીરી કરતા તેરા તુજકો અર્પણ અભિયાન અંતર્ગત અરજદારની ગુમ થયેલી મોટરસાયકલ શોધી કાઢી મૂળ માલિકને પરત સોંપી છે. ટેકનોલોજી અને સીસીટીવી ફટેજના આધારે પોલીસે ગણતરીના દિવસોમાં આ વાહન શોધી કાઢવામાં સફળતા મેળવી છે.  ગીર સોમનાથ પોલીસ અધિક્ષક જયદીપસિંહ જાડેજાના માર્ગદર્શન હેઠળ કોડીનાર પોલીસ સ્ટેશનના પોલીસ ઇન્સ્પેકટર એન.વી. હરિયાણીની સૂચનાને પગલે સર્વેલન્સ સ્ટાફ પેટ્રોલીંગમાં હતો, ત્યારે મળેલી બાતમી અને અલગ–અલગ જગ્યાના સીસીટીવી ફટેજની બારીકાઈથી તપાસ કરવામાં આવી હતી. આ તપાસના આધારે પોલીસે કોડીનાર બસ સ્ટેશન પાસેથી અરજદારની ગુમ થયેલી હોન્ડા શોધી કાઢી અસલી માલિકને પરત સોંપી સરાહનીય કામગીરી કરી છે..