દરમિયાન ભારતીય રેલવેના વિવિધ ઝોનમાંથી વ્યક્તિગત શ્રેણીમાં અંદાજે 100 કર્મચારીઓને સન્માનિત કરવામાં આવ્યા હતા, જેમાં પશ્ચિમ રેલવેના સાત કર્મચારીઓ સામેલ હતા. તેમાં આ ગુડ્ઝ ટ્રેનના રાજકોટ ડિવિઝનના‌ લોકો પાયલોટ રામપ્રવેશ કુમારને તેમની સતર્કતા અને ઉત્કૃષ્ટ સેવા બદલ નવી દિલ્હી સ્થિત યશોભૂમિ કન્વેન્શન સેન્ટર ખાતે આયોજિત 70મા રેલ સપ્તાહ કેન્દ્રીય સમારોહમાં ‘અતિ વિશિષ્ટ રેલ સેવા પુરસ્કાર–2025’ થી રેલવે, માહિતી અને પ્રસારણ તેમજ ઈલેક્ટ્રોનિક્સ અને માહિતી ટેકનોલોજી મંત્રી અશ્વિની વૈષ્ણવ દ્વારા સન્માનિત કરવામાં આવ્યા હતા. રામપ્રવેશ કુમારની આ સિદ્ધિ રાજકોટ ડિવિઝન માટે વિશેષ ગૌરવપુર્ણ ગણાવી. રાજકોટ ડીઆરએમ ગિરિરાજ કુમાર મીનાએ અભિનંદન પાઠવતા તમામ કર્મચારીઓને સુરક્ષા તેમજ સેવા શ્રેષ્ઠતાના ઉચ્ચતમ ધોરણો જાળવી રાખવા અપીલ કરી હતી.