Lost her husband at the age of 27, sold tiffin and educated her daughters, today her daughter became a Deputy Collector!
૨૭ વર્ષે પતિ ગુમાવ્યા, ટિફિન વેચીને દીકરીઓને ભણાવી, આજે દીકરી બની ડેપ્યુટી કલેક્ટર!
ઉત્તરાખંડના ઋષિકેશમાંથી એક એવી હૃદયસ્પર્શી અને પ્રેરણાદાયી કહાની સામે આવી છે, જે સાબિત કરે છે કે જો મનમાં અતૂટ સંકલ્પ અને મહેનત હોય તો ગમે તેવી મુશ્કેલ પરિસ્થિતિને પણ હરાવી શકાય છે. આ વાર્તા છે ઋષિકેશના પ્રગતિ વિહારમાં રહેતા નીલમ ભાટિયા અને તેમની લાડકવાઈ દીકરીઓની, જેમણે ગરીબી અને આર્થિક તંગી સામે ઝઝૂમીને એક નવો ઇતિહાસ રચ્યો છે. 
૨૭ વર્ષની નાની ઉંમરે અચાનક તૂટી પડ્યો આભનીલમ ભાટિયાના પતિ અજય કુમાર ભાટિયા એક નાની પરચૂરણની દુકાન ચલાવીને પરિવારનું ગુજરાન ચલાવતા હતા. બધું બરાબર ચાલી રહ્યું હતું, પરંતુ અચાનક હાર્ટ અટેક આવવાને કારણે તેમના પતિનું અવસાન થઈ ગયું. તે સમયે નીલમ ભાટિયાની ઉંમર માત્ર ૨૭ વર્ષ હતી અને તેમની ગોદમાં દોઢ વર્ષ અને છ વર્ષની બે માસૂમ દીકરીઓની જવાબદારી આવી પડી હતી. 
ટિફિન સર્વિસ બની પરિવારની આજીવિકાનું સાધન
પતિના નિધન પછી આર્થિક પરિસ્થિતિ અત્યંત નબળી થઈ ગઈ અને ક્યાંયથી કોઈ આશાનું કિરણ દેખાતું નહોતું. આવી કપરી પરિસ્થિતિમાં હિંમત હારવાને બદલે નીલમજીએ ઘરોમાં અને ઓફિસોમાં જઈને 'ટિફિન સર્વિસ' આપવાનું શરૂ કર્યું. તેઓ સવારથી લઈને મોડી રાત સુધી એકલા હાથે રસોઈ બનાવતા અને મહેનત કરીને દીકરીઓનું પેટ ભરવા સાથે તેમનું શિક્ષણ ચાલુ રખાવ્યું.
 માના સંઘર્ષને જોઈને દીકરીઓએ રાત-દિવસ એક કર્યા
બંને દીકરીઓ શાલિની અને મીનાક્ષીએ નાનપણથી જ પોતાની માતાનો આ આકરો સંઘર્ષ ખૂબ નજીકથી જોયો હતો. તેઓ શાળાએથી આવીને પોતાની માતાને ટિફિનના ડબ્બા પહોંચાડવામાં મદદ કરતી અને રાત્રે મોડે સુધી તેજ મગજે અભ્યાસ કરતી હતી. માતાએ હંમેશાં દીકરીઓને એક જ પાઠ ભણાવ્યો હતો કે, "માત્ર શિક્ષણ જ આપણું નસીબ અને જિંદગી બદલી શકે છે".
વર્ષોની તપસ્યા રંગ લાવી, બંને દીકરીઓ બની ક્લાસ-વન ઓફિસર!માતાના ત્યાગ અને દીકરીઓની કાળી મજૂરી આખરે રંગ લાવી છે. આજે આ ટિફિન વેચનારી માની બંને દીકરીઓ સરકારી અધિકારી બની ગઈ છે
મોટી દીકરી (શાલિની ભાટિયા)
હાલ પૌડી વિસ્તારમાં 'ડિવિઝનલ ઇકોનોમિક્સ એન્ડ સ્ટેટિસ્ટિક્સ ઓફિસર' (અર્થ અને સાંખ્યિકી અધિકારી) તરીકે ફરજ બજાવી રહી છે. નાની દીકરી (મીનાક્ષી ભાટિયા): જેમણે રાજ્યની સૌથી અઘરી ગણાતી PCS પરીક્ષામાં સમગ્ર રાજ્યમાં ૫મો રેન્ક પ્રાપ્ત કરીને 'ડેપ્યુટી કલેક્ટર' (Deputy Collector) નું પદ હાંસલ કર્યું છે. 
માવ્યા, ટિફિન વેચીને દીકરીઓને ભણાવી, આજે દીકરી બની ડેપ્યુટી કલેક્ટર!માવ્યા, ટિફિન વેચીને દીકરીઓને ભણાવી, આજે દીકરી બની ડેપ્યુટી કલેક્ટર!