પોલીસ સૂત્રોમાંથી મળતી વિગતો મુજબ રાજકોટ શહેરમાં આગામી 31 ડિસેમ્બર સંદર્ભે પોલીસ કમિશનર બ્રજેશકુમાર ઝા જેસીપી મહેન્દ્ર બગરીયા, ડીસીપી ક્રાઈમ જગદીશ બાંગરવા, એસીપી ક્રાઈમ બીબી બસીયા દ્વારા થર્ટી ફર્સ્ટ સંદર્ભે ખાસ સરપ્રાઈઝ ચેકિંગ કરવા આદેશ કરવામાં આવ્યા હતા.

આ સંદર્ભે શહેર એસઓજી બ્રાન્ચના ઇન્ચાર્જ પીઆઇ ધ્રાંગુ, પીએસઆઇ એમ.વી. જાડેજા, સહિતની એસઓજી ટીમ તેમજ એફએસએલની વાન સાથેની નસીલા દ્રવ્યોનું સેવન કરતાં તત્વોને ઝડપી લેવા સ્પેશિયલ કીટ સાથે માધાપર ચોકડીએ સાંજે વાહન ચાલકોને અટકાવી આ અંગે ચેકિંગ હાથ ધરવામાં આવ્યું હતું.

આ ચેકિંગ દરમિયાન વાહન ચાલકો ને અટકાવી નશીલા દ્રવ્યો નું સેવન કર્યું છે કે કેમ તે અંગે સ્પેશિયલ ડ્રગ્સ ડિરટેકટ કીટ દ્વારા ૨૪ જેટલા વાહન ચાલકોને અટકાવી ચેકિંગ હાથ ધરાયું હતું પરંતુ એકપણ ચાલક નશો કર્યો હોય તેવું મળી આવ્યું ન હતું, થર્ટી ફર્સ્ટ ને એક દિવસની વાર છે ત્યારે શહેર પોલીસ અલગ અલગ વિસ્તારમાં સતત સરપ્રાઈઝ ચેકિંગ ચાલુ રાખશે તેવું જાણવા મળ્યું છે.