સરકારે ગઈકાલે તમામ નોન–શેડૂલ કેન્સર–વિરોધી દવાઓ માટે ટ્રેડ માર્જિનમાં મહત્તમ છૂટક કિંમતમાં ૩૦ ટકા સુધી કાપ મુકવાનો નિર્ણય લીધો છે. આ નિર્ણયમાં બ્રાન્ડેડ અને જેનરિક દવાઓ તેમજ દેશી અને આયાતી દવાઓનો સમાવેશ થશે. સરકારે જણાવ્યું હતું કે આ પગલાનો ઉદ્દેશ્ય વેપારમાં લેવાતા અતિશય માર્જિન (ટ્રેડ માર્ક–અપ્સ)ની સમસ્યાનું નિરાકરણ લાવવાનો અને જીવનરક્ષક કેન્સરની દવાઓની સતત ઉપલબ્ધતા સુનિશ્ચિત કરવાની સાથે સાથે તેને વધુ પરવડે તેવી બનાવવાનો છે.
સત્તાવાર સૂત્રોના જણાવ્યા અનુસાર, આ પગલાને કારણે સંબંધિત દવાઓની એમઆરપીમાં ૭૦ ટકા સુધીનો ઘટાડો થઈ શકે છે અને તેનાથી દર્દીઓને વાર્ષિક અંદાજે ૨,૫૦૦ કરોડ પિયાની બચત થવાની અપેક્ષા છે.આ નિર્ણય હેઠળ, તમામ નોન–શેડુલ્ડ કેન્સર–વિરોધી દવાઓ પરનો ટ્રેડ માર્જિન તેમની એમઆરપીના ૩૦ ટકા સુધી મર્યાદિત કરવામાં આવશે. આ પગલાંમાં દવાઓની વિશાળ કેટેગરીનો સમાવેશ થાય છે, પછી ભલે તે બ્રાન્ડેડ હોય કે જેનેરિક, દેશમાં ઉત્પાદિત હોય કે આયાત કરેલી, અથવા પેટન્ટ ધરાવતી હોય કે પેટન્ટ વગરની હોય.સરકારે જણાવ્યું હતું કે આ હસ્તક્ષેપનો ઉદ્દેશ્ય કેન્સરની દવાઓના વિતરણ અને વેચાણ દરમિયાન લેવામાં આવતા અતિશય નફાના ગાળા (માર્ક–અપ્સ) પર અંકુશ લાવવાનો અને દર્દીઓ પરના આર્થિક બોજને ઘટાડવાનો છે.
એક અહેવાલ દ્રારા ટાંકવામાં આવેલા સત્તાવાર સૂત્રોના જણાવ્યા અનુસાર, આ પગલાથી કેન્સરના દર્દીઓના ખિસ્સામાંથી થતા ખર્ચમાં પણ ઘટાડો થવાની અપેક્ષા છે. સરકારનું અનુમાન છે કે આ પગલાથી સંબંધિત દવાઓની એમઆરપીમાં ૭૦ ટકા સુધીનો ઘટાડો થઈ શકે છે.સત્તાવાર અંદાજો મુજબ, ટ્રેડ–માર્જિન (વેપાર–માર્જિન) પરની મર્યાદાને કારણે વાર્ષિક આશરે .૨,૫૦૦ કરોડની બચત થવાની અપેક્ષા છે. સંબંધિત કેન્સર–વિરોધી દવાઓના ભાવ ઘટવાથી આ બચતનો લાભ દર્દીઓને મળવાની ધારણા છે. આવશ્યક સારવારની ઉપલબ્ધતા જાળવી રાખીને પરવડે તેવી દવાઓની સુલભતા વધારવાના સરકારના વ્યાપક પ્રયાસોના ભાગપે સરકારે આ પગલું લીધું છે. આ તાજેતરનો નિર્ણય વર્ષ ૨૦૧૯માં અમલમાં મૂકવામાં આવેલા સરકારના આવા જ એક પગલા પર આધારિત છે.