જાણવા મળતી વિગતો મુજબ, યુવાધનને ખુવાર કરનાર નશાનો વેપલો કરનારા શખ્સો સામે કડક કાર્યવાહી કરવાની ઉચ્ચ પોલીસ અધિકારીઓની સૂચનાના પગલે ડીસીપી ક્રાઇમ ડો.પાર્થરાજસિંહ ગોહિલ અને એસીપી ક્રાઈમ બી.બી. બસીયાના માર્ગદર્શન હેઠળ શહેરના પેડક રોડ પર ગાંધી સ્મૃતિ સોસાયટી શેરી નંબર 2 માં રહેતા હર્ષ દેવાભાઈ ચાવડીયા (ઉ.વ 19) વિરુદ્ધ પાસાની દરખાસ્ત તૈયાર કરી અધિક પોલીસ મહા નિર્દેશક સીઆઇડી ક્રાઇમ અને રેલ્વેઝ ગુજરાતને મોકલવામાં આવી હતી. જે દરખાસ્ત પર મંજૂરીની મહોર લગાવી પોલીસ મહાન નિર્દેશક, સીઆઇડી ક્રાઈમએ કાયદાની કલમ 3 હેઠળ આરોપીને અટકાયત લેવામાં હુકમ કરી વોરંટ ઇશ્યુ કર્યું હતું. જેથી રાજકોટ એસ.જી.ની ટીમે આરોપી હર્ષ ચાવડીયાની અટકાયત કરી તેને સબ જેલ રાજપીપળા નર્મદા ખાતે જેલ હવાલે કરવા તજવીજ હાથ ધરી છે.

આરોપી વિરુદ્ધ વર્ષ 2024 માં એ ડિવિઝન પોલીસ સ્ટેશનમાં એનડીપીએસ એકટ હેઠળ ગુનો નોંધાયો હતો. આરોપીને જેલહવાલે કરવાની આ કામગીરીમાં એસ.ઓ.જી.પી.આઇ.એસ.એમ.જાડેજાની રાહબરી હેઠળ પી.એસ.આઇ.વી.વી.ધ્રાંગુ તથા એ.એસ.આઈ વિરેન્દ્રસિંહ ઝાલા, અરૂણભાઇ બાંભણિયા, હેડ કોન્સ્ટેબલ ભુપેન્દ્રસિંહ ઝાલા, ઇન્દ્રસિંહ જાડેજા, દિગ્વિજયસિંહ ગોહિલ, કોન્સ્ટેબલ હાર્દિકસિંહ પરમાર સહિતની ટીમ સાથે રહી હતી.