પોલીસ સૂત્રોમાંથી મળતી વિગતો મુજબ જસદણ પોલીસ મથકના એએસઆઇ જેડી મજેઠીયા, કોન્સ્ટેબલ અનિલભાઈ સરવૈયા સહિતની ટીમ વિસ્તાર પેટ્રોલિયમમાં નીકળી હતી તે દરમિયાન જસદણ વીંછીયા બાયપાસ રોડ પર આવેલ શિવ કૃપા ટ્રેઇલર નજીક એક શખ્સ મોબાઇલમાં શંકાસ્પદ પ્રવૃતિ કરતો હોય તેવું જણાવ્યું હતું.

જેથી તેનો મોબાઈલ ચેક કરતા મોબાઈલમાં આઈસીસી વુમન્સ વર્લ્ડ કપ 2025 ક્રિકેટ મેચ ચાલતો હોય જેના પર ક્રિકેટ સટ્ટો રમતો હોય તેને ઝડપી પૂછપરછ હાથ ધરતા પોતાનું નામ ખીમાભાઈ ગોવિંદભાઈ સરૈયા ઉંમર વર્ષ 45 રહે બાખલવડ ગામ તાલુકો જસદણ વાળો હોવાનું જણાવ્યું હતું.

જેથી એએસઆઈ જે.ડી મજેઠીયા અને ટીમે આરોપી પાસેથી રોકડા રૂપિયા 3550 તેમજ મોબાઇલ મળી 5000 ના મુદ્દામાલ સાથે બે આરોપીઓને ઝડપી ધરપકડ કરી હતી તેમજ મોબાઇલ પર ક્રિકેટ સટ્ટા માટેની લીંક કોણે અને ક્યાંથી આવીતે અંગે પૂછપરછ હાથ ધરવા આરોપી મેળવવા કાર્યવાહી હાથ ધરી હતી.