આ કેસની હકીકત મુજબ રાજકોટમાં રહેતા રવિભાઈ દિનેશભાઈ નાગરેચાને તેમના મિત્ર વિશ્વજીતસિંહ ડાભી (રહે. હરિધવા પાર્ક) એ સસ્તા ભાવે સોનાના બિસ્કીટ અપાવી દેવા કહી મોબાઈલ ફોનમાં ફોટા બતાવી રૂા. ૧૧.૫૦ લાખ મેળવી લીધા હતા, પરંતુ સોનાના બિસ્કીટ નહિ આપતા રવિભાઈ નાગરેચાએ પોલીસમાં લેખિત અરજી કરતા પોલીસ સ્ટેશનમાં બન્ને બચ્ચે સમાધાન થતા આરોપી વિશ્વજીતસિંહ ડાભી દ્વારા સમાધાન પેટે રૂ.૪.૫૦ લાખ અને રૂ.૫ લાખના બે ચેક તેમજ રૂ.૨ લાખ રોકડા આપી સમાધાન કર્યું હતું. તેમાં બંને ચેક વગર વસુલાતે પરત ફર્યા હતા. જેથી ફરીયાદીએ પોતાના એડવોકેટ મારફત પાઠવેલી નોટીસ બજી જવા છતાં બંને ચેક મુજબની રકમ પરત નહિ કરતા કોર્ટમાં ધ નેગોશીયેબલ ઈન્સ્ટ્રુમેન્ટસ એક્ટની કલમ-૧૩૮ હેઠળ કેસ દાખલ કર્યો હતો. જે કેસ ચાલી જતા બંને પક્ષના વકીલોની રજૂઆત બાદ ફરિયાદીના વકીલ દ્વારા કરવામાં આવેલી દલીલો અને ટાંકેલા ઉચ્ચ અદાલતના ચુકાદાને ધ્યાને લઇ આરોપી વિશ્વજીતસિંહ ડાભીને ચેક રિટર્ન કેસમાં એક વર્ષની કેદની સજા અને બંને ચેક મુજબ રૂા.૯.૫૦ લાખ ફરીયાદ દાખલ કર્યાની તારીખથી ૯ ટકા વાર્ષિક વ્યાજ સાથે ૩૦ દિવસની અંદર ફરીયાદીને ન ચૂકવે તો વધુ ત્રણ માસની કેદની સજાનો હુકમ ફરમાવ્યો છે. આ કેસમાં ફરીયાદી વતી એડવોકેટ સંજયભાઈ એચ. પંડયા, મનિષભાઈ એચ. પંડયા, જયદેવસિંહ ચૌહાણ અને વનરાજસિંહ જાડેજા રોકાયા હતા