બાબરાના પાણસડામાં પરિણીતાએ ઝેરી દવા પી આપઘાતનો પ્રયાસ કરતા સારવાર માટે રાજકોટ સિવિલ હોસ્પિટલમાં ખસેડવામા આવી છે.પ્રાપ્ત વિગત મુજબ મૂળ એમપીની અને પતિ સહીત પરિવાર સાથે પાણસડા ગામે રમેશભાઈ સતાણીની વાડીમાં ખેત મજૂરી કામ કરતી શીરુબેન દિનેશભાઇ સોલંકી (ઉ.વ.25) નામની પરિણીતાએ રાત્રીના નવેક વાગ્યે વાડીએ હતી ત્યારે ઝેરી દવા પી લેતા પ્રથમ બાબરા અને ત્યાંથી રાજકોટ સિવિલ હોસ્પિટલમાં ખસેડવામાં આવતા બનાવ અંગે હોસ્પિટલ ચોકીના સ્ટાફે બાબરા પોલીસને જાણ કરી છે. પરિણીતાના લગ્ન થયાને દશ વર્ષ જેટલો સમય થયો છે અને સંતાનમાં બે પુત્રી છે. ક્યાં કારણોસર પગલું ભર્યું જાણી શકાયું નથી પોલીસે તપાસ હાથ ધરી છે.

ગોંડલના ગુંદાસરામાં યુવકે ઝેર પીધું

ગોંડલના ગુંદાસરા ગામે રહેતો લાલજી મનસુખભાઇ ધોરીયા (ઉ.વ.26) નામના યુવકે ઝેરીદવા પી લેતા સારવાર માટે રાજકોટ સિવિલ હોસ્પિટલમાં ખસેડવામાં આવ્યો છે. બનાવ અંગે હોસ્પિટલ ચોકીના સ્ટાફે ગોંડલ તાલુકા પોલીસને જાણ કરતા પોલીસે નિવેદન નોંધવાની તજવીજ હાથ ધરી છે.