જામનગર : મેઘપરમાં ફ્લિપકાર્ટમાંથી વાત કરૂ છું તેમ કહીને અઢી લાખનો ચુનો ચોપડ્યો

December 01, 2025 12:30 PM

મેઘપર ગામમાં લેબોરેટરી ચલાવતા એક લેબોરેટરીના સંચાલક સાયબર સાતીરની ચૂંગાલમાં ફસાઈ જતાં રૂપિયા અઢી લાખ ગુમાવવાનો વારો આવ્યો છે. ફ્લિપકાર્ટ માંથી પાર્સલ મોકલનાર અજાણ્યા શખ્સે પાર્સલ મોકલવાના બહાને ઓટીપી મોકલી બેન્કનો પાસવર્ડ મેળવી લીધા બાદ બેંક ખાતામાંથી રૂપિયા અઢી લાખની રકમ ઉપાડી લઈ ચીટીંગ કર્યાની ફરિયાદ મેઘપર પોલીસ મથકમાં નોંધવાઈ છે.

જામનગરના યાદવ નગર વિસ્તારમાં રહેતા અને મેઘપર પંથકમાં લાઈફ કેર લેબોરેટરી ચલાવતા સંજયભાઈ ભીખાભાઈ લગારીયા નામના ૩૫ વર્ષના યુવાને મેઘપર પડાણા પોલીસ મથકમાં ફરિયાદ નોંધાવી જણાવ્યું છે કે કોઈ અજાણ્યા શખ્સો એ પોતાના બેંક ખાતામાંથી બે કટકે અઢી લાખ રૂપિયાનું ટ્રાન્જેક્શન કરી લઈ પોતાની સાથે છેતરપિંડી કર્યાની ફરિયાદ નોંધાવી છે.

પોલીસ ફરિયાદમાં વધુમાં જણાવ્યા અનુસાર તાજેતરમાં ફરિયાદી યુવાનને તેના મોબાઈલ ફોન પર એક મેસેજ આવ્યો હતો, અને ફ્લિપકાર્ટ માંથી બોલું છું, તેમ કહી ચીટર શખ્સ દ્વારા ફોન કરવામાં આવ્યો હતો, અને લેબોરેટરી સંચાલક પાસેથી કોઈપણ રીતે બેન્ક એકાઉન્ટ નંબર મેળવી લીધા હતા, અને ઓટીપી મોકલાવ્યા હતા.

જે દરમિયાન બેન્ક ખાતામાંથી સૌપ્રથમ બે લાખ અને ત્યારબાદ બીજા ૫૦,૦૦૦ મળી કુલ અઢી લાખની રકમ ઉપડી લેતાં તુરતજ સાયબર સેલનો સંપર્ક સાધ્યો હતો, અને તેની સૌપ્રથમ ઓનલાઇન ફરિયાદ લેવામાં આવી હતી, ત્યારબાદ આ ફરિયાદને મેઘપર પડાણા પોલીસ મથકમાં ટ્રાન્સફર કરવામાં આવી છે, અને ત્યાં સંજયભાઈ લગારીયાની ફરિયાદના આધારે પોલીસે આઈટી એકટની કલમ ૬૬(ડી) તથા ભારતીય ન્યાય સંહિતા ૨૦૨૩ ની કલમ ૩૧૯ (૨) મુજબ ગુનો નોંધ્યો છે. જેની તપાસ મેઘપર-પડાણાના પીઆઇ જયસ્વાલ ચલાવી રહ્યા છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગર : મેઘપરમાં ફ્લિપકાર્ટમાંથી વાત કરૂ છું તેમ કહીને અઢી લાખનો ચુનો ચોપડ્યો

Recent News

Gujarat's No. 1 evening newspaper