બનાવની મળતી વિગત મુજબ જામનગર રોડ ઘંટેશ્વર એસઆરપી કેમ્‍પ નજીક વર્ધમાન નગરમાં રહેતાં યુવરાજસિંહ અનિરૂધ્‍ધસિંહ સરવૈયા (ઉ.વ.૩૪) સાંજે સાડા આઠેક વાગ્‍યે બાઈક લઈને ટંકારા તરફ જતાં હતાં ત્‍યારે મિતાણા ગામ નજીક અચાનક રોડ પર ગાય આડી ઉતરતા બાઇકમાં અથડાઈ હતી જેના કારણે બાઈક ચાલક રોડ પર પટકાતા ગંભીર ઈજાઓ થવાથી પ્રથમ ટંકારા અને ત્‍યાંથી રાજકોટ સિવિલમાં ખસેડાયા હતાં. જ્યાં ચાલુ સારવાર દરમિયાન દમ તોડી દેતા પરિવારમાં કલ્પાંત સર્જાયો હતો.

બનાવ અંગે હોસ્‍પિટલ ચોકીના સ્ટાફે ટંકારા પોલીસને જાણ કરતા હોસ્પિટલએ પહોંચી જરૂરી કાર્યવાહી કરી હતી. મૃતક યુવરાજસિંહ બે ભાઇ અને એક બહેનમાં વચેટ હતાં. રામાપીર ચોકડીએ શિવ મોબાઇલ નામે મોબાઇલની દુકાન ધરાવતા હતા. ધંધાના કામે ટંકારા તરફ જઈ રહ્યા હતા ત્યારે બનાવ બન્‍યો હતો.