ગેંગસ્ટર લોરેન્સ બિશ્નોઈના ભાઈ અનમોલ બિશ્નોઈને નેશનલ ઈન્વેસ્ટિગેશન એજન્સી દ્વારા ’મોસ્ટ વોન્ટેડ’ લિસ્ટમાં સામેલ કરવામાં આવ્યો છે. તેની ધરપકડ પર 10 લાખ રૂપિયાનું ઈનામ જાહેર કરવામાં આવ્યું છે. અનમોલ બિશ્નોઈ કેનેડા અને અમેરિકાથી પોતાની ગેંગનું સામ્રાજ્ય ચલાવી રહ્યો છે. એવું કહેવામાં આવી રહ્યું છે કે તે 12 ઓક્ટોબરે એનસીપી નેતા બાબા સિદ્દીકી પર અને એપ્રિલમાં અભિનેતા સલમાન ખાનના ઘર પર હુમલાના ષડયંત્રમાં પણ સામેલ હતો.
સૂત્રોના જણાવ્યા અનુસાર, 14 એપ્રિલે ખાનના ઘરની બહાર થયેલા ફાયરિંગના સંબંધમાં મુંબઈ પોલીસે અનમોલ વિરુદ્ધ લુકઆઉટ સર્ક્યુલર જારી કર્યો હતો. પોલીસના જણાવ્યા અનુસાર, તેણે સોશિયલ મીડિયા પર આ ઘટનાની જવાબદારી લીધી હતી. તપાસમાં એ પણ સામે આવ્યું છે કે બાબા સિદ્દીકીની હત્યામાં સામેલ શૂટર સ્નેપચેટ દ્વારા તેના સંપર્કમાં હતો.
12 ઓક્ટોબરની રાત્રે બાબા સિદ્દીકીની તેમના પુત્ર જીશાન સિદ્દીકીની ઓફિસની બહાર ગોળી મારીને હત્યા કરવામાં આવી હતી. આ દરમિયાન ત્રણ સશસ્ત્ર હુમલાખોરોએ તેમના પર ગોળીબાર કર્યો હતો. ઘટના પછી તરત જ, લોરેન્સ બિશ્નોઈ ગેંગના શંકાસ્પદ શુભમ લોંકરે સોશિયલ મીડિયા પર હત્યાની જવાબદારી લીધી. એક અધિકારીએ જણાવ્યું હતું કે, અનમોલ બિશ્નોઈ અને ગોલ્ડી બ્રાર અમેરિકા અને કેનેડાના લોરેન્સ બિશ્નોઈ ગેંગના સામ્રાજ્યને નિયંત્રિત કરે છે. ઉપરાંત, તે ભારતમાં ગ્રાઉન્ડ લેવલ પર ગુનેગારો અને ઓપરેટિવ્સના સક્રિય સહયોગથી ક્રાઈમ સિન્ડિકેટની દેખરેખ રાખે છે. સૂત્રો પાસેથી મળેલી માહિતી મુજબ આ ગેંગ પંજાબ, હરિયાણા, ગુજરાત, મહારાષ્ટ્ર, ચંદીગઢ, રાજસ્થાન, દિલ્હી, યુપી, એમપી, બિહાર અને ઝારખંડ જેવા રાજ્યોમાં ફેલાયેલી છ