જમ્મુ–કાશ્મીરમાં આતંકી ઘૂસણખોરીના મામલામાં અનેક સ્થળો પર એનઆઈએની કડક કાર્યવાહી ચાલી રહી છે. આ સંબંધમાં આજે એનઆઈએએ અનેક જગ્યાએ દરોડા પાડવામાં આવ્યા છે. નેશનલ ઇન્વેસ્ટિગેશન એજન્સીની ટીમે જમ્મુ–કાશ્મીરના રામબન, કિશ્તવાડ, ડોડા, રિયાસી અને ઉધમપુરના વિસ્તારોમાં કડક કાર્યવાહી શ કરી છે.તાજેતરમાં ઘાટીમાં અનેક આતંકવાદી ઘટનાઓ બની છે. જેના કારણે આતંકીઓ સામે સુરક્ષાદળોની કાર્યવાહી પણ તેજ થઈ ગઈ છે

લશ્કરના આતંકવાદી સહિત બેની ધરપકડ
પુલવામા અને બારામુલ્લા જિલ્લામાં બે અલગ–અલગ ઓપરેશનમાં, સુરક્ષા દળોએ લશ્કર–એ–તૈયબાના એક આતંકવાદી અને આતંકવાદીઓ માટે કામ કરતા અન્ય એક વ્યકિતની ધરપકડ કરી છે. પોલીસ પ્રવકતાએ જણાવ્યું હતું કે, અવંતીપોરા વિસ્તારમાં ત્રાલ ખાતે પોલીસે પ્રતિબંધિત આતંકવાદી સંગઠન લશ્કર–એ–તૈયબાના એક આતંકવાદીની ધરપકડ કરી હતી અને તેના કબજામાંથી ગુનાહિત સામગ્રી, શક્રો અને દાગોળો જ કર્યેા હતો.પ્રવકતાએ કહ્યું કે ગુ માહિતીના આધારે પોલીસે આર્મી અને સેન્ટ્રલ રિઝર્વ પોલીસ ફોર્સ સાથે મળીને ત્રાલ પોલીસ સ્ટેશન વિસ્તારના પિંગ્લિશ ગામમાંથી લશ્કરના આ આતંકવાદીની ધરપકડ કરી હતી. તેમણે કહ્યું, આતંકવાદીની ઓળખ ઈર્શાદ અહેમદ ચોપન તરીકે થઈ છે, જે લુરગામ ત્રાલનો રહેવાસી છે. તેની પાસેથી એક પિસ્તોલ, ૧૮ ગોળીઓ અને બે મેગેઝીન અને અન્ય ગુનાહિત સામગ્રી મળી આવી હતી.

શોપિયાંમાં આતંકવાદી સ્થાનોનો પર્દાફાશ
સુરક્ષા દળોએ જમ્મુ–કાશ્મીરના શોપિયાં જિલ્લામાં આતંકવાદીઓના છુપાયેલા ઠેકાણાનો પર્દાફાશ કર્યેા હતો પોલીસ, સેના અને સેન્ટ્રલ રિઝર્વ પોલીસ ફોર્સની સંયુકત ટીમે શોપિયાં જિલ્લાના કેલરમાં સર્ચ ઓપરેશન દરમિયાન એક આતંકવાદી ઠેકાણાનો પર્દાફાશ કર્યેા હતો. અધિકારીઓએ જણાવ્યું કે તેઓને ત્યાંથી રસોઈના વાસણો અને ખાધપદાર્થેા મળી આવ્યા હતા