દરેકને અનીસ બઝમીની 2007ની ફિલ્મ વેલકમ યાદ છે. ફિલ્મના ડાયલોગ્સ, કોમેડી પંચ, એક્ટિંગ, બધું જ જબરદસ્ત હતું. આ ફિલ્મમાં નાના પાટેકરે ઉદય શેટ્ટીની ભૂમિકા ભજવી હતી. આ રોલ આઇકોનિક બની ગયો છે પરંતુ શું જાણો છો કે શરૂઆતમાં નાના પાટેકર ફિલ્મની સ્ક્રિપ્ટ સાંભળવા તૈયાર નહોતા.

નાના પાટેકર સ્ક્રિપ્ટ સાંભળવા તૈયાર ન હતા

અનીસ બઝમીએ નાના પાટેકર સાથે કામ કરવાનો તેમનો અનુભવ શેર કર્યો હતો. તેમણે કહ્યું- તે કહાની સાંભળવા તૈયાર નહોતા. તેણે મને કહ્યું કે મારે કહાની નથી સાંભળવી, અનીસ. તું તારી મા ના સમ ખા અને મને કહે કે મારે આ કરવું જોઈએ કે નહીં.

અનીસે કહ્યું કે તે નાના પાટેકરનો મોટો ફેન છે. તેને નાના પાટેકરની એક્ટિંગ સ્કિલ ખૂબ જ પસંદ છે. તેણે કહ્યું કે જ્યારે તેણે ઉદય શેટ્ટીના રોલની કલ્પના કરી તો તેણે તેના માટે માત્ર નાના પાટેકરની જ કલ્પના કરી હતી. અનીસે જણાવ્યું કે નાના પાટેકરે આ રોલ ખૂબ જ ગંભીરતાથી કર્યો હતો. બાદમાં તેણે નાના પાટેકરને 3 કલાક સુધી સ્ક્રિપ્ટ સંભળાવી અને સ્ક્રિપ્ટ સાંભળીને અભિનેતા ઘણો ખુશ થયો. નાના પાટેકર ભાવુક થઈ ગયા અને તેમને ગળે લગાવી લીધા.

વેલકમમાં અક્ષય કુમાર અને કેટરીના કૈફ મુખ્ય ભૂમિકામાં હતા. આ ફિલ્મમાં અનિલ કપૂર, ફિરોઝ ખાન અને મલ્લિકા શેરાવત જેવા સ્ટાર્સ પણ હતા.

ભુલ ભુલૈયા 3 લઈને સાથે આવી રહ્યા છે અનીસ બઝમી

અનીસ બઝમીની ફિલ્મ વિશે વાત કરીએ તો તેણે ભૂલ ભૂલૈયા 3 ફિલ્મનું નિર્દેશન કર્યું છે. આ ફિલ્મમાં કાર્તિક આર્યન, તૃપ્તિ ડિમરી, માધુરી દીક્ષિત અને વિદ્યા બાલન મહત્વની ભૂમિકામાં છે. આ ફિલ્મ દિવાળી પર રિલીઝ થશે. તેનું ટ્રેલર રિલીઝ થઈ ગયું છે.