પંજાબમાં ડ્રાઈવર સહિત એક જ પરિવારના 8 લોકો નદીમાં તણાઈ ગયા હતા. દરેકના મોતના સમાચાર સામે આવી રહ્યા છે ત્યારે પરિવારજનોનો દાવો છે કે કારમાં કુલ 12 લોકો મુસાફરી કરી રહ્યા હતા. પોલીસે જણાવ્યું કે પાણીના પ્રવાહના કારણે સ્થાનિક લોકોએ ડ્રાઇવરને નદી પાર કરવા અંગે ચેતવણી પણ આપી હતી.

પંજાબના જૈજોથી એક દુઃખદ સમાચાર સામે આવી રહ્યા છે, જ્યાં એક જ પરિવારના 8 લોકો અને એક ડૉક્ટર તેમની કાર સાથે નદીમાં તણાઈ ગયા હતા. જેમાં તમામ લોકોના મોત થયા હતા. આ ઘટના પંજાબના હોશિયારપુરથી લગભગ 34 કિમી દૂર આવેલા જૈજમાં બની હતી. જ્યાં એક પરિવારના આઠ સભ્યો સહિત નવ લોકોના મોત થયા હતા જ્યારે અન્ય બે લોકો રવિવારે પાણીથી ભરેલી નદીમાં તેમનું વાહન તણાઈ જતાં ગુમ થયા હતા.

પંજાબમાં આ દિવસોમાં ભારે વરસાદને કારણે નદીમાં ઉછાળો આવ્યો છે. આ અંગે માહિતી આપતાં પોલીસ અધિકારીઓએ જણાવ્યું કે પરિવારના 11 સભ્યો એક સ્પોર્ટ્સ યુટિલિટી વ્હીકલ (SUV) ડ્રાઈવર સાથે હિમાચલ પ્રદેશના ઉના જિલ્લાના મેહતપુર પાસેના દેહરાથી પંજાબના SBS નગર જિલ્લાના મેહરોવાલ ગામમાં લગ્ન સમારોહમાં હાજરી આપવા જઈ રહ્યા હતા. ત્યારે આ અકસ્માત થયો હતો.