બોટલો, ગાડી કબ્જે : એકનું નામ ખુલ્યુ : હર્ષદમીલની ચાલી પાસે દેશી દારુ સાથે એક ઝબ્બે

જામનગર શહેર, દરેડ, મોરકંડા પાટીયા, જામજોધપુર વિસ્તારમાં નવ સ્થળેથી વિદેશી દારુની હેરાફેરી કરતા શખ્સોને પકડી લીધા હતા જયારે એક શખ્સ દેશી દારુ સાથે ઝપટમાં આવ્યો હતો.
જામનગરના શકિતનગર-૧માં રહેતા વિજયસિંહ દિલુભા ચુડાસમાને ઇંગ્લીશ દારુની બે બોટલ સાથે મોરકંડા પાટીયા પાસેથી પોલીસે પકડી લીધો હતો જેમાં જથ્થો પુરો પાડનાર કેતન પાડલીયાનું નામ ખુલ્યુ હતું.
જયારે ગોકુલનગર રડાર ગેઇટ નજીક રહેતા જતીન મોતી ડાભીને અંગ્રેજી દારુની એક બોટલ સાથે લાલપુર બાયપાસ પાસેથી પોલીસે પકડી લીધો હતો. જામનગરના નહેરુનગરમાં રહેતા ધર્મેન્દ્ર હસમુખ ફફલને ૫૦૦ એમએલ ઇંગ્લીશ દારુ સાથે મીગ કોલોની રોડ પરથી દબોચી લીધો હતો.
ભાટની આંબલી તળાવ ફળી ખાતે રહેતા કપીલ મોહન હોથીને વિદેશી દારુની એક બોટલ સાથે એસટી રોડ પરથી ઝડપી લીધો હતો. જામજોધપુરના ખરાવાડમાં રહેતા કૌશિક વાલજી વાઘેલાને અંગ્રેજી દારુ ૩૦૦ એમએલ, ફોરવ્હીલ જીતો ગાડી નં. જીજે૧૩એડબલ્યુ-૦૫૨૩માં લઇને રામવાડી પાછળના રોડ પરથી નીકળતા પકડી પાડી કુલ ૧.૫ લાખનો મુદામાલ જપ્ત કર્યો હતો.
આ ઉપરાંત જામનગરના સુભાષપાર્ક વિસ્તારમાં રહેતા મયુર કાના કેશરીયાને ઇંગ્લીશ દારુની બે બોટલ સાથે નવાનગર શેરીમાંથી પકડી લીધો હતો તેમજ ભીમવાસ-૧માં રહેતા મનિષ ધરમશી ગોહીલને ઇંગ્લીશ દારુની ૧ બોટલ સાથે સોસાયટીના ખુણા પાસેથી પકડી લીધો હતો.
અન્ય બનાવમાં દરેડ તક્ષશીલાનગરમાં રહેતા વિનોદગીરી ઇશ્ર્વરગીરી ગોસ્વામીને વિદેશી દારુની બે બોટલ સાથે દરેડ ગૌશાળા સર્કલ પાસેથી દબોચી લીધો હતો. જયારે તક્ષશીલા સોસાયટીમાં રહેતા સુરેશ રામજી આસુંદ્રાને ઇંગ્લીશ દારુની એક બોટલ સાથે દરેડ પાસેથી પોલીસે પકડી લીધો હતો જયારે જામનગરના હર્ષદમીલની ચાલી કોળીના ડેલા પાસે રહેતા મહેબુબ અબુ રુમી નામના શખ્સને બે લીટર દેશી દારુ સાથે સીટી-એ પોલીસે પકડી લીધો હતો.