દિલ્હીના લાલ કિલ્લા પાસે થયેલા વિસ્ફોટમાં એક નવી પેટર્ન જોવા મળી છે. જે કારમાં વિસ્ફોટ થયો હતો તેમાં ઘણા બધા મુસાફરો હતા. આ વિસ્ફોટ કારના પાછળના ભાગમાં થયો હતો. ઘટનાસ્થળે કોઈ ખાડા નહોતા. ઘાયલોના શરીર પર કોઈ ખીલા કે વાયરથી ઇજાના નિશાન નહોતા. વિસ્ફોટમાં ઘાયલ થયેલા લોકોના ચહેરા કાળા પડી ગયા ન હતા કે આગથી શરીર કાળા પડી ગયા ન હતા. આવું તો જ થાય જો પારંપરિક બોમ્બનો ઉપયોગ ન થયો હોય.

ઓપરેશન સિંદૂર ૨.૦ શરુ કરો: સોશિયલ મીડિયા

દિલ્હીના લાલ કિલ્લા મેટ્રો સ્ટેશન પાસે થયેલા વિસ્ફોટ બાદ, સોશિયલ મીડિયામાં ભારે ચર્ચા છે. ઘટનાના થોડા કલાકોમાં જ ટ્વિટર, ઇન્સ્ટાગ્રામ અને ફેસબુક પર #OperationSindoor2O ટ્રેન્ડ થવા લાગ્યું. હજારો યુઝર્સે સરકારને કડક કાર્યવાહી કરવાની માંગ કરતી પોસ્ટ શેર કરી. ઘણા લોકો કહે છે કે દેશમાં વધી રહેલા આતંકવાદી ખતરા સામે નિર્ણાયક કાર્યવાહી કરવાનો સમય આવી ગયો છે.

દિલ્હી બ્લાસ્ટને કારણે અમેરિકન દૂતાવાસે તેના નાગરિકો માટે એડવાઈઝરી જાહેર કરી

દિલ્હી બ્લાસ્ટને પગલે અમેરિકાના દૂતાવાસે ભારતમાં રહેતા તેના નાગરિકોની સુરક્ષાને ધ્યાનમાં રાખીને એક એડવાઈઝરી જાહેર કરી હતી. દૂતાવાસે તેની વેબસાઈટ પર જણાવ્યું કે 10 નવેમ્બર 2025 ના રોજ દિલ્હીના લાલ કિલ્લા મેટ્રો સ્ટેશન પાસે કારમાં જોરદાર વિસ્ફોટ થયો હતો. તેમાં અનેક લોકોના ઘાયલ અને મોતની જાણકારી મળી છે. હાલ વિસ્ફોટનું કારણ જાણી શકાયું નથી. અમારી નાગરિકોને સલાહ છે કે તે લાલ કિલ્લા, ચાંદની ચોક અને ભીડવાળા વિસ્તારોથી દૂર રહે અને સ્થાનિક મીડિયા દ્વારા સતત અપડેટ મેળવતા રહે અને સાવચેત રહે.

બ્રિટને તેના નાગરિકોને ભારત-પાકિસ્તાન બોર્ડરથી દસ કિમી દૂર રહેવા સલાહ આપી

બ્રિટિશ વિદેશ કાર્યાલયે તેના નાગરિકોને એક સલાહ જારી કરી છે, જેમાં તેમને ભારત-પાકિસ્તાન સરહદથી ઓછામાં ઓછા 10 કિલોમીટર દૂર રહેવા સલાહ આપી છે. વધુમાં, તેમણે જમ્મુ અને કાશ્મીરની મુસાફરી કરવાનું ટાળવું જોઈએ. યુએસ એમ્બેસીએ પણ આ હુમલાની નિંદા કરી છે અને તેના નાગરિકોને ભારે વરસાદવાળા વિસ્તારો ટાળવાની સલાહ આપી છે. ફ્રેન્ચ એમ્બેસીએ પણ તેના નાગરિકોને સતર્ક રહેવા અને ભીડ ટાળવા વિનંતી કરી છે. ઈરાન અને ઇજિપ્ત સહિત અન્ય દેશોએ આ હુમલાની નિંદા કરી છે અને માર્યા ગયેલા લોકોના પરિવારો પ્રત્યે સંવેદના વ્યક્ત કરી છે.