તાજેતરમાં ન્યુ ઈન્ડિયા કો-ઓપરેટિવ બેંક કૌભાંડ પ્રકાશમાં આવ્યું છે. નાણામંત્રી નિર્મલા સીતારમણની હાજરીમાં, નાણાકીય સેવાઓ વિભાગના સચિવ એમ નાગરાજુએ જણાવ્યું હતું કે સરકાર આ પ્રસ્તાવને મંજૂરી આપતાની સાથે જ તેનું જાહેરનામું બહાર પાડવામાં આવશે. જોકે, તેમણે ન્યૂ ઈન્ડિયા કો-ઓપરેટિવ બેંક કટોકટી અંગે કોઈ ટિપ્પણી કરવાનો ઇનકાર કર્યો હતો, અને કહ્યું હતું કે આ મામલો આરબીઆઈ પાસે છે.

ડીઆઈસીજીસી આ વીમા પર સીધા થાપણદાર પાસેથી કોઈ પ્રીમિયમ વસૂલતું નથી. આ પ્રીમિયમ ફક્ત બેંકો દ્વારા ચૂકવવામાં આવે છે. ડિપોઝિટ ગેરંટી ફક્ત બેંક બંધ થવાના કિસ્સામાં જ લાગુ પડે છે. જ્યારે બેંક પડી ભાંગે છે, ત્યારે જમા રકમ પર વીમાનો દાવો સક્રિય થાય છે. પીએમસી બેંક કૌભાંડ બાદ 2020 માં ડીઆઈસીજીસી વીમા મર્યાદા 1 લાખ રૂપિયાથી વધારીને 5 લાખ રૂપિયા કરવામાં આવી હતી.