જામનગરના કોમલ નગર વિસ્તારમાં  એક ચા ની હોટલે ચા પીવા માટે બેઠેલા ૬૦ વર્ષના બુઝુર્ગને એક ટ્રક ચાલકે હડફેટમાં લઈ લીધા હતા, અને તેમના બંને પગ કચડી નાખ્યા છે. જે મામલે ટ્રક ચાલક સામે ફરિયાદ નોંધાવાઈ છે.

આ ફરિયાદ અંગેના બનાવની વિગત એવી છે કે જામનગરમાં કોમલ નગર માં રહેતા ખીમજીભાઈ ડાયાભાઈ સોલંકી નામના ૬૦ વર્ષના બુજુર્ગ કે જેઓ કોમલ નગર વિસ્તારમાં એક ચા ની કેબીને ચા પીવા માટે બેઠા હતા, જે દરમિયાન પૂરપાટ ઝડપે આવી રહેલા જી.જે. ૧૦ ટી.વી. ૬૩૧૨ નંબરના ટ્રકના ચાલકે ખીમજીભાઇ ને હડફેટમાં લઈ લીધા હતા, અને તેમના બંને પગ કચડી નાખ્યા હતા. જેથી તેઓના બંને પગ છૂંદાઈ ગયા છે, અને ગંભીર હાલતમાં સારવાર માટે જામનગરની જી.જી. હોસ્પિટલમાં ખસેડવામાં આવ્યા છે.

આ બનાવ અંગે ખીમજીભાઈ સોલંકીએ ટ્રક ચાલક સામે ફરિયાદ નોંધાવતાં પોલીસે ફરાર થઈ ગયેલા ટ્રક ચાલકની શોધ ખોળ હાથ ધરી છે.