રાજકોટના ડો. લાલ પરિવારની ધાર્મિક સેવા પ્રવૃત્તિ

ખંભાળિયામાં મહાદેવ વાડા ખાતે આવેલા પૂજ્ય પ્રેમભિક્ષુજી મહારાજ પ્રેરિત સંકીર્તન મંદિર ખાતે ગઈકાલે બુધવારે રામનવમીના પવિત્ર દિવસે રાજકોટના જાણીતા તબીબ ડોક્ટર નીતિનભાઈ લાલ (મનન હોસ્પિટલ વાળા) દ્વારા રામ-સિતાની જુદી જુદી બે વિશાળ એક્રેલિક અને લાઇટિંગ વાળી કિંમતી છબી (પ્રતિકૃતિ) અર્પણ કરવામાં આવી હતી. અહીંના સેવાભાવી યુવાન હેમલ લાલના હસ્તે આજરોજ મહાદેવ વાડામાં સંકીર્તન મંદિર ખાતે શાસ્ત્રોક્ત વિધિ વચ્ચે રામ-લલ્લાની આ સુંદર અને આકર્ષક છબીઓ પ્રસ્થાપિત કરવામાં આવી હતી.