પોરબંદર અડવાણા હાઇવે પર ભારવાડા અને બાબડા વચ્ચે બોલેરો પીકઅપવાન અને કાર વચ્ચે અકસ્માત સર્જાતા એક યુવાનનું મોત નીપજ્યું છે જ્યારે પાંચ ઇજાગ્રસ્તોને સારવાર માટે સરકારી ભાવસિંહજી હોસ્પિટલે લાવવામાં આવ્યા છે.
બાબડા અને ભારવાડા વચ્ચે બોલેરો પીકઅપ વાન અને કાર વચ્ચે અકસ્માત સર્જાતા આ બનાવવામાં બગવદરના નાગાજણભાઈ જીવાભાઇ ઓડેદરા નામના ૩૬ વર્ષના યુવાનનું કમ કમાટી ભર્યું મોત નીપજ્યું હતું જ્યારે બગવદરના રેખાબેન નાગાજણભાઈ ઓડેદરા ઉંમર ૩૬, નટવરનગરના વાલીબેન વેજાભાઈ ગોઢાણીયા ઉંમર ૬૦ નટવર નગરના વેજીબેન ભરતભાઈ ગોઢાણીયા ઉમર વર્ષ ૩૦ નટવરનગરના ભરતભાઈ વેજાભાઈ ગોઢાણીયા ઉમર વર્ષ ૩૫ તથા દેવભૂમિ દ્વારકા ના કેનેડી ગામના ભીમશી રામદે ગોજીયા ઉંમર વર્ષ ૩૪ ને નાની મોટી ઇજાઓ થતા સારવાર માટે પોરબંદરની સરકારી ભાવસિંહજી હોસ્પિટલે લાવવામાં આવ્યા છે. બનાવની જાણ થતા બગવદર પોલીસની ટીમ ઘટના સ્થળે દોડી ગઈ હતી. કારમાં બેસેલા લોકો રાતીયા તરફ જતા હોવાનું જાણવા મળ્યું છે.