અમેરિકાના વર્જિનિયામાં શુક્રવારે વહેલી સવારે એક બેકાબુ બસ ચાલકે ધીમી ગતિએ ચાલતા વાહનોને જોરદાર ટક્કર મારી, જેમાં પાંચ લોકો માર્યા ગયા અને ડ્રાઈવર સહિત ડઝનેક ઘાયલ થયા. આ અકસ્માત સ્ટેફોર્ડ કાઉન્ટીના વર્જિનિયાના કવોન્ટિકો નજીક દક્ષિણ તરફ જતા આઈ–૯૫ પર સવારે ૨:૩૫ વાગ્યે થયો. પોલીસે જણાવ્યું હતું કે મૃત્યુ પામેલા પાંચેય લોકો બસે ટક્કર મારતા વાહનોમાં હતા, અને ૪૪ લોકોને હોસ્પિટલ લઈ જવામાં આવ્યા હતા, જેમાંથી ત્રણની હાલત ગંભીર છે.આગામી બાંધકામ ઝોનને કારણે દક્ષિણ તરફ જતા વાહનો ધીમા પડી રહ્યા હતા. એક બસ ધીમી પડી ન હતી અને છ વાહનો સાથે અથડાઈ હતી. પોલીસે જણાવ્યું હતું કે બસમાં આશરે ૩૪ મુસાફરો હતા.ઘટનાસ્થળે હાજર ફેડરલ ટ્રાન્ઝિટ એડમિનિસ્ટ્રેશનના પ્રવકતા પેટન વોગલે જણાવ્યું હતું કે, દર્દીઓને હોસ્પિટલોમાં દાખલ કરવામાં આવી રહ્યા છે. ડ્રાઇવરને અહીંની હોસ્પિટલમાં દાખલ કરવામાં આવ્યો છે. મૃતકોમાંથી ચાર એક જ કારમાં હતા, જેમાં આગ લાગી હતી.રાય પોલીસે જણાવ્યું હતું કે મૃતકોમાં એક ૪૫ વર્ષીય પુષ, ૪૪ વર્ષીય મહિલા, ૧૩ વર્ષની છોકરી અને ૭ વર્ષનો છોકરો શામેલ છે, જે બધા ગ્રીનફિલ્ડ, મેસેચ્યુસેટસના રહેવાસી છે. પાંચમી પીડિત, મેસેચ્યુસેટસના વોર્સેસ્ટરની ૨૫ વર્ષીય મહિલા, એક એસયુવીમાં હતી જેને બસે ટક્કર મારી હતી. રાય પોલીસે બસ ડ્રાઇવરની ઓળખ ૪૮ વર્ષીય જિંગ એસ. ડોંગ તરીકે કરી છે, જે ન્યૂ યોર્કના સ્ટેટન આઇલેન્ડનો રહેવાસી છે