લોકસભા ચૂંટણી 2024 (લોકસભા ચૂંટણી પરિણામ 2024 LIVE)ના મત ગણતરીના વલણોમાં NDA બહુમતી મેળવી રહ્યું છે. જ્યારે, I.N.D.I.A. 233 સીટો પર આગળ છે. ત્યારે પ્રધાનમંત્રી નરેન્દ્ર મોદી દ્વારા દેશવાસીઓનો આભાર વ્યક્ત કર્યો.

નવી ઉર્જા, નવા ઉત્સાહ, નવા સંકલ્પો સાથે આગળ વધીશુંઃ PM મોદી

વડાપ્રધાન નરેન્દ્ર મોદીએ પરિણામોને લઈને સોશિયલ મીડિયા પર પોસ્ટ કરીને લોકોનો આભાર વ્યક્ત કર્યો છે. દેશની જનતાએ સતત ત્રીજી વખત એનડીએમાં વિશ્વાસ વ્યક્ત કર્યો છે. ભારતના ઈતિહાસમાં આ એક અભૂતપૂર્વ ક્ષણ છે. આ પ્રેમ અને આશીર્વાદ માટે હું મારા પરિવારને નમન કરું છું. હું દેશવાસીઓને ખાતરી આપું છું કે અમે તેમની આકાંક્ષાઓને પૂર્ણ કરવા માટે નવી ઉર્જા, નવા ઉત્સાહ અને નવા સંકલ્પો સાથે આગળ વધીશું. હું હૃદયપૂર્વક કૃતજ્ઞતા વ્યક્ત કરું છું અને તમામ કાર્યકરોને તેઓએ કરેલા સમર્પણ અને અથાક કાર્ય માટે અભિનંદન પાઠવું છું.