​​​​​​​વડાપ્રધાન નરેન્દ્ર મોદી બે દિવસની રશિયાની મુલાકાતે ગયા છે. હવે તે રશિયાનો પ્રવાસ પૂરો કરીને ઓસ્ટ્રિયા પહોંચી ગયા છે. ઓસ્ટ્રિયામાં તેમનું જોરશોરથી સ્વાગત કરવામાં આવી રહ્યું છે. વિયેનામાં હોટેલ રિટ્ઝ-કાર્લટન ખાતે તેમના આગમન પર ઑસ્ટ્રિયન કલાકારોએ સંગીતનાં સાધનો સાથે વંદે માતરમ ગાઈને તેમનું સ્વાગત કર્યું હતું. પીએમ મોદીએ ફેસબુક પર એક પોસ્ટ લખીને તેમનો આભાર વ્યક્ત કર્યો છે.

વિયેનામાં સંગીતના વાદ્યોની ધૂનથી વંદે માતરમ ગુંજી ઉઠ્યું

રશિયાની મુલાકાત પૂર્ણ કર્યા બાદ વડાપ્રધાન નરેન્દ્ર મોદી હવે ઓસ્ટ્રિયા પહોંચી ગયા છે. ઓસ્ટ્રિયામાં તેમનું ભવ્ય સ્વાગત કરવામાં આવી રહ્યું છે. વિયેનામાં હોટેલ રિટ્ઝ-કાર્લટન ખાતે તેમના આગમન પર, ઑસ્ટ્રિયન કલાકારોએ સંગીતનાં સાધનો સાથે વંદે માતરમ ગાઈને તેમનું સ્વાગત કર્યું.

ચાન્સેલર કાર્લ નેહમરે પીએમ સાથે સેલ્ફી પોસ્ટ કરી

ઓસ્ટ્રિયાના ચાન્સેલર કાર્લ નેહામરે વિયેનામાં તેમના આગમન પર તેમને તેમના દેશમાં આવકાર્યા, તેમને ભેટી પડ્યા અને એક ખાનગી કાર્યક્રમ માટે તેમને હોસ્ટ કર્યા. નેહમેર પીએમ મોદીને ગળે લગાડતા અને તેમની સાથે સેલ્ફી લેતા જોવા મળે છે.

પીએમ મોદીએ આભાર વ્યક્ત કર્યો

હવે પીએમ મોદીએ પણ X પર એક પોસ્ટ લખીને આભાર વ્યક્ત કર્યો છે. ઓસ્ટ્રિયા તેની જીવંત સંગીત સંસ્કૃતિ માટે જાણીતું છે, એમ તેમણે જણાવ્યું હતું. તેમણે વધુમાં કહ્યું કે, આ અદ્ભુત પ્રસ્તુતિ માટે તમારો આભાર, આ ઉત્કૃષ્ટ પ્રદર્શનને કારણે મને વંદે માતરમની ઝલક મળી.

ઑસ્ટ્રિયા તેની જીવંત સંગીત સંસ્કૃતિ માટે જાણીતું છે. વંદે માતરમના આ અદ્ભુત પ્રસ્તુતિને કારણે મને તેની ઝલક મળી!

પીએમ મોદી અને ચાન્સેલર વચ્ચે થશે ખાસ વાતચીત

પીએમ મોદીની આ મુલાકાત એટલા માટે પણ ખાસ છે. કારણકે તેઓ 40 વર્ષમાં ઓસ્ટ્રિયાની મુલાકાત લેનારા પ્રથમ ભારતીય નેતા છે. 1983માં ઈન્દિરા ગાંધીએ મધ્ય યુરોપિયન દેશની મુલાકાત લીધી હતી. બધાની નજર પીએમ મોદી અને ચાન્સેલર નેહમર વચ્ચેની વાતચીત પર રહેશે. કારણકે ભારત અને ઓસ્ટ્રિયા રાજદ્વારી સંબંધોના 75 વર્ષની ઉજવણી કરે છે.