બોલિવિયાની રાજધાની લા પાઝ નજીક અલ અલ્ટો શહેર પરથી પસાર થતું અને ચલણી નોટ ભરેલું એક વિમાન ક્રેશ થઈ ગયું હતું. ખરાબ હવામાનના લીધે વિમાન વ્યસ્ત હાઇવે પર ક્રેશ થયું હોવાનું સામે આવ્યું છે.તે બોલિવિયા એરફોર્સ હર્ક્યુલસ વિમાન હતું જે નવી ચલણી નોટો દેશના અન્ય ભાગોમાં ટ્રાન્સફર કરવા માટે લઈ જતું હતું,આ અકસ્માતમાં ઓછામાં ઓછા 15 લોકોના મોત થયા છે. ઘટનાની જાણ થતા જ લોકોએ બચાવ કાર્યમાં સહયોગ આપવાને બદલે નોટો લુંટવાનું શરુ કરી દેતા અફરા તફરી મચી હતી.

મળતા અહેવાલ અનુસાર વિમાન દેશના આંતરિક ભાગમાં નવી નોટો લઈ જઈ રહ્યું હતું. બોલિવિયાના સંરક્ષણ મંત્રાલયને ટાંકીને જણાવવામાં આવ્યું છે કે આ વિમાન વાયુ સેનાનું હતું.ચલણી નોટની લુંટાલુંટ કરવા ભેગા થઈ ગયેલા લોકોને વારંવાર ચેતવણી આપવા છતાં સ્થિતિ કાબુમાં ન આવતા પોલીસે ફાયર કેનનનો સહારો લેવો પડ્યો હતો અને માંડ કરીને ભીડ વિખેરાઈ હતી.

રાષ્ટ્રીય એરલાઇન બોલિવિયાના ડી એવિએશિયને એક નિવેદનમાં જણાવ્યું હતું કે અકસ્માત બાદ અલ અલ્ટો આંતરરાષ્ટ્રીય વિમાનમથક અસ્થાયી રૂપે બંધ કરવામાં આવ્યું હતું, જેમાં ઉમેર્યું હતું કે સંડોવાયેલ વિમાન તેના કાફલાનો ભાગ નહોતું.વિમાનને ભારે નુકસાન થયું હતું, અને જ્યાં અકસ્માત થયો તે એવન્યુ પર પાર્ક કરેલા ઘણા વાહનોને પણ નુકસાન થયું હતું.

વિમાન હાઇવે પર અનેક વાહનો સાથે અથડાયું

ટેકઓફ પછી તરત જ કાર્ગો વિમાન ક્રેશ થયું હોવાના અહેવાલ છે, હાઇવે પર લગભગ એક ડઝન વાહનોને નુકસાન થયું હતું અને ઓછામાં ઓછા 15 લોકો માર્યા ગયા હતા. ફાયર ચીફ પાવેલ તોવરે સ્પષ્ટ કર્યું નથી કે મૃતકો વિમાનમાં સવાર હતા કે એરપોર્ટ નજીક હાઇવે પર કારમાં. સોશિયલ મીડિયા પર ફરતા ફોટા અનુસાર, વિમાન રનવે પરથી લપસી ગયું અને પડોશી શહેર એલ અલ્ટોમાં વાહનો સાથે અથડાયું, જ્યાં તે નજીકના ખેતરમાં અટકી ગયું. વિમાનનો કાટમાળ, ક્ષતિગ્રસ્ત કાર અને મૃતદેહો રસ્તા પર વિખેરાયેલા પડ્યા હતા. તોવરના જણાવ્યા મુજબ, ઓછામાં ઓછા 15 વાહનોને નુકસાન થયું છ

દુર્ઘટના બાદ વિમાન અગનગોળો બની ગયું

દુર્ઘટના પછી વિમાનમાં આગ લાગી હતી, જોકે, અગ્નિશામકોએ આગ પર કાબુ મેળવ્યો. વિમાન બોલિવિયન એર ફોર્સ હર્ક્યુલસનું હતું, જે સેન્ટ્રલ બેંકમાંથી નવી નોટો અન્ય શહેરોમાં લઈ જઈ રહ્યું હતું.