પોરબંદરના માધવપુર પોલીસ સ્ટેશન વિસ્તારમાં ગુમ થયેલા ૧ લાખ ૪૧ હજારના મોબાઇલ પોલીસે પરત કર્યા હતા.
પોલીસ મહાનિરીક્ષક નિલેશ જાજડીયા જુનાગઢ રેન્જ તથા પોરબંદર પોલીસ અધિક્ષક ભગીરથસિંહ જાડેજા દ્વારા ચોરી, ગુમ થયેલ મોબાઇલ ફોન શોધી કાઢવા કડક સૂચનાઓ આપવામાં આવેલ જે અનુસંધાને પોરબંદર ગ્રામ્ય રાણાવાવ વિભાગના નાયબ પોલીસ અધિક્ષક ધ્રુવલ સી. સુતરીયાની સૂચના તેમના સચોટ માર્ગદર્શન હેઠળ માધવપુર પોલીસ સ્ટેશન વિસ્તારમાંથી ચોરી, ગુમ થયેલ મોબાઇલ ફોન શોધી કાઢવા સૂચના  કરેલ હોય.
જે અનુસંધાને પોલીસ ઇન્સ્પેકટર કે.એન.ઠાકરીયા તથા પોલીસ સબ ઇન્સ્પેકટર એ.એ. ડોડીયાના માર્ગદર્શન હેઠળ પોલીસ સ્ટાફના માણસો, માધવપુર પોલીસ સ્ટેશન વિસ્તારમાંથી ગુમ, ચોરી થયેલ મોબાઇલ ફોન શોધી કાઢવા ટીમો તપાસમાં હતી, 
ટીમ દ્વારા હ્યુમન રીસોર્સીસ તથા ટેકનિકલ સોર્સના સી.ઇ.આઇ.આર. પોર્ટલનો ઉપયોગ કરી સી.ઇ.આઇ.આર. પોર્ટલમાં સતત મોનીટરીંગ કરી મોબાઇલ ફોનને ટ્રેકીંગમાં મૂકી મોબાઇલ ફોન ટ્રેશ કરી કુલ છ મોબાઇલ ફોન જેની કિ. ‚ા. ૧,૪૦,૯૭૬ના શોધી, રીકવરી કરી અને ‘તેરા તુજકો અર્પણ’ કાર્યક્રમ અંતર્ગત મૂળ માલિકને પરત સોંપી, પ્રશંસનીય કામગીરી કરી ‘પોલીસ પ્રજાનો મિત્ર છે’ એ સુત્રને સાર્થક કરેલ છે.
આ કામગીરી પોલીસ ઇન્સ્પેકટર કે.એન. ઠાકરીયા, પોલીસ સબ ઇન્સ્પેકટર એ.એ.ડોડીયા તથા પો. હેડ. કોન્સ્ટેબલ સી.એચ. સોલંકી તથા અશોક માલદેભાઇ તથા પોલીસ કોન્સ્ટેબલ નિલેશભાઇ માનસિંહભાઇ તથા અનિલભાઇ વિરમભાઇ, રાહુલભાઇ રામજીભાઇવાળા એ રીતેના  પોલીસ સ્ટાફ દ્વારા કરવામાં આવેલ છે.