જામનગરમાં પોલીસ ભરતી પ્રક્રિયા કસોટીનો પ્રારંભ

January 21, 2026 12:43 PM

રાજયમાં પોલીસ ભરતીની પ્રક્રિયા હાથ ધરવામાં આવી છે જે અંતર્ગત જામનગરના હેડ કવાર્ટર ખાતે ભરતી પ્રક્રિયા કસોટીનો આજથી પ્રારંભ થયો છે અંદાજે દોઢ માસ સુધી ક્રમશ ઉમેદવારો કસોટીમાં ભાગ લેશે, ગઇકાલે સાંજે રેન્જ આઇજી દ્વારા ગ્રાઉન્ડ અને તૈયારીનું જાત નિરીક્ષણ કર્યુ હતું જેની સાથે એસપી, ડીવાયએસપી સહિતના અધિકારીઓ જોડાયા હતા, આજે પ્રથમ દિવસે ૭૦૦ ઉમેદવારો ભાગ લેનાર છે અને આ માટે પોલીસ દ્વારા બંદોબસ્ત સહિતની કાર્યવાહી કરવામાં આવી રહી છે.

જામનગર જિલ્લા પોલીસ હેડક્વાર્ટર ગ્રાઉન્ડ ખાતે પોલીસ ભરતીની શારીરિક ક્સોટીની તૈયારીઓ પૂર્ણ થઈ ગઈ છે. અને ગઈકાલે સાંજે રેન્જ આઈ.જી. અશોકકુમાર યાદવ જિલ્લા પોલીસ વડા ડો. રવિ મોહન સૈની અને ચેલા-સેકટર -૧૩ના એસ.આર.પી. ગ્રુપના સેનાપતિ કોમલ વ્યાસ, હેડ કવાર્ટર ડીવાયએસપી પંડયા સહિતના અધિકારીઓએ ગ્રાઉન્ડની મુલાકાત લઈને નિરીક્ષણ કર્યું હતું.

શારીરિક ક્સોટી આજે તા ૨૧ જાન્યુઆરીથી શરૂ થઇ છે, અને પ્રથમ દિવસે ૭૦૦ ઉમેદવારો ભાગ લેશે. આ ભરતી પ્રક્રિયા આશરે દોઢ મહિના સુધી ચાલશે. જામનગર પોલીસ હેડક્વાર્ટર ખાતે ૪૨,૦૦૦થી વધુ ઉમેદવારો ભરતી પ્રક્રિયામાં ભાગ લેશે. જેમાં આજે પ્રથમ દિવસે ૭૦૦ ઉમેદવારો કસોટી આપશે. ત્યાર બાદના દિવસોમાં ૧૨૦૦ ઉમેદવારો શારીરિક કસોટી આપશે. રજાના દિવસો બાદ દરરોજ ૧૬૦૦ ઉમેદવારો કસોટીમાં ભાગ લેશે. પોલીસ પરેડ ગ્રાઉન્ડ ખાતે ૨૦૦ ઉમેદવારો એકસાથે રનિંગ ટ્રેક પર દોડશે. આશરે ૩૮૫ મીટરનો રનિંગ ટ્રેક બનાવવામાં આવ્યો છે. અને ૫,૦૦૦ મીટરની દોડ માટે ઉમેદવારોએ ૧૩ રાઉન્ડ ૨૫ મિનિટમાં પૂર્ણ કરવાના રહેશે.

ઉમેદવારો માટે કેન્ટીન અને શૌચાલય બોક્સની વિશેષ વ્યવસ્થા પણ કરવામાં આવી છે. સુરક્ષા વ્યવસ્થા માટે ૨૫૦ જેટલા પોલીસકર્મીઓ તૈનાત રહેશે. ચેલા-૧૩ એસ.આર.પી. ગ્રુપના સેનાપતિ કોમલ વ્યાસ ગ્રાઉન્ડ પર સતત હાજર રહેશે. મેડિકલ ટીમમાં ૧૦૮ એમ્બ્યુલન્સ જી.જી. હોસ્પિટલના ડોક્ટરો અને પેરામેડિકલ સ્ટાફ સ્ટેન્ડબાય રહેશે. શારીરિક કસોટી માટે આવનાર અન્ય જિલ્લાના ઉમેદવારોને હાલાકી ન પડે તે માટેની તમામ સુવિધાઓ ઉપલબ્ધ કરવામાં આવી છે.

ગ્રાઉન્ડમાં ફક્ત શારીરિક કસોટી આપનાર ઉમેદવારોને જ પ્રવેશ મળશે. કોઈપણ પ્રકારની ડિજિટલ વસ્તુઓ પર પ્રતિબંધ મૂકવામાં આવ્યો છે. ભરતી પ્રક્રિયા સુચારુ રીતે થાય તે માટે આધુનિક ટેકનોલોજીનો ઉપયોગ કરવામાં આવી રહ્યો છે. અધિકૃત વ્યક્તિઓ સિવાય અન્ય કોઈને ગ્રાઉન્ડમાં પ્રવેશ મળશે નહીં. ઉમેદવારોની સુવિધા અને સુરક્ષા માટે એસ.ટી.બસ સ્ટેશન અને રેલવે સ્ટેશન સહિતના સ્થળોએ પોલીસ પેટ્રોલિંગ કરાયું છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

જામનગરમાં પોલીસ ભરતી પ્રક્રિયા કસોટીનો પ્રારંભ

Recent News

Gujarat's No. 1 evening newspaper