જાણવા મળતી વિગતો મુજબ, યુવાધનને ડ્રગ્સ સહિતના માદક પદાર્થના દુષ્ણથી દૂર રાખવા ડીસીપી ક્રાઇમ જગદીશ બંગરવા, એસીપી ક્રાઇમ ભરત બસિયાના માર્ગદર્શન હેઠળ એસઓજી પીઆઈ એસ.એમ. જાડેજાની રાહબરીમાં પીએસઆઈ વી. કે.ઝાલા, એમ બી ઘાસુરા સહીતની ચાર ટીમો દ્વારા શહેર આખામાં ચેકીંગ ઝુંબેશ હાથ ધરવામાં આવી હતી. એસઓજીની ટીમે કાલાવડ રોડ, 150 ફૂટ રીંગ રોડ, ન્યારી ડેમ સહિતના સ્થળે અલગ અલગ ટીમો બનાવી પાનના ગલ્લા, કેબિન પાર્લર, કાફે સહિતના સ્થળે ચેકીંગ શરૂ કર્યું હતું.

એસઓજી દ્વારા અહીં નશાકારક પદાર્થ જેવા કે ઈ-સિગરેટ(વેપ), હૂકા તેમજ અન્ય નશા માટે ઉપયોગમાં લેવામાં આવતી ચીજ વસ્તુઓના વેચાણ અંગે કડક ચેકીંગ હાથ ધર્યું હતું. જો કે, પોલીસના ચેકીંગમાં કોઈ પણ શંકાસ્પદ પદાર્થ મળી આવ્યું ન હતું. ઉપરાંત અલગ અલગ કેબિન પાર્લર અને કાફેમાં યુવાનોના બેગથી માંડી તમામ ચીજ વસ્તુઓ ચેક કરવામાં આવી હતી.