રાજકોટ રેન્જ આઈજી અશોકકુમાર યાદવ, એસ.પી. હિમકરસિંહ દ્વારા દારૂ બંધીના કડક અમલીકરણ માટે જિલ્લામાં દારૂની બદી ડામવા ગેરકાયદેસર દારૂનું વેચાણ કરતા શખસો પર દરોડા પાડી દારૂના ગુના નોંધવાની આપેલ સુચનાથી ગોંડલ ડીવાયએસપી કે.જી. ઝાલાના માર્ગદર્શન હેઠળ જસદણ તથા વિંછીયા પોલીસ સ્ટેશનની અલગ અલગ ટીમો દ્વારા કુલ દારૂના 11 ગુનામાં રૂા.44.14 લાખનો વિદેશી દારૂનો જથ્થો પકડી પાડવામાં આવ્યો હતો.

જે પકડાયેલ દારૂના જથ્થાનો કોર્ટની પરવાનગી મેળવી જસદણ પ્રાંત અધિકારીની અધ્યક્ષતામાં બનાવેલ કમીટીમાં જસદણમાં વીંછિયા રોડ પર આવેલ જુના પોલીસ સ્ટેશનની ખુલ્લી જગ્યામાં પકડાયેલ દારૂની તેમજ બીયરના ટીન મળી કુલ 17,661 બોટલ રૂા.44.14 લાખની કિંમતનો દારૂ પર બુલડોઝર ફેરવી નાશ કરવામાં આવ્યો હતો. જેમાં જસદણ પોલીસે 8 ગુનામાં 15624 અને વીંછીયા પોલીસે ત્રણ ગુનામાં 2036 બોટલ પકડી પાડેલ હતો.