૧૨–જામનગર લોકસભા બેઠક પર ઇતિહાસ રચાઇ રહ્યો છે અને પ્રથમ વખત મહીલા સાંસદ તરીકે પૂનમબેન માડમ વિજયની હેટ્રીક કરવા તરફ મકકમતાપૂર્વક આગળ વધી રહ્યા છે, આ લખાય છે ત્યારે સવારના ૧૦:૪૫ સુધી પૂનમબેન માડમે અડધા લાખથી વધુની લીડ મેળવી લીધી છે અને હવે આ લીડમાં કોઇ ફેરફાર થવાની સંભાવનાઓ દેખાતી નથી, અપેક્ષા મુજબ પરીણામ આવ્યું છે અને જામનગર–દેવભૂમિ દ્રારકાના મતદારોએ ભાજપને ખોબલે–ખોબલે મત આપ્યાનું સામે આવી રહ્યું છે.
૨૦૧૪ અને ૨૦૧૯માં પહેલા વિક્રમ માડમ અને ત્યારબાદ મુળુભાઇ કંડોરીયાને અનુક્રમે પરાજીત કરનારા સાંસદ પૂનમબેન માડમની ત્રીજી ટર્મ માટે ભાજપે પસંદગી કરી હતી અને ભાજપની આ પસંદગી ખરી ઉતરી છે, કારણ કે આ વખતે સંજોગો અલગ હોવા છતાં પૂનમબેન માડમે મકકમતાપૂર્વક પુરા વિશ્ર્વાસ સાથે ચંૂટણી લડી હતી અને હાલમાં તેઓ ભવ્ય જીત તરફ આગળ વધી રહ્યા છે.  જામનગરમાં ક્ષત્રિય સમાજના વિરોધ અને આંદોલનને લઇને બેઠકને હોટ માનવામાં આવતી હતી, જો કે આજકાલ દ્રારા પ્રારંભથી એવું કહેવામાં આવતું હતું કે, પૂનમબેન માડમની જીત નિિત છે અને આજે આવી રહેલા પરીણામ પરથી આ બાબત સુનિિત થતી દેખાય છે.  ૭મી મેના રોજ લોકસભાની ચૂંટણીના ત્રીજા તબકકામાં ગુજરાતભરની સાથે ૧૨–જામનગર લોકસભા બેઠક પર મતદાનની પ્રક્રિયા પૂર્ણ થઇ હતી અને આજે ૪ જૂનના લાંબા ઇન્તેજાર બાદ આખરે લોકચૂકાદો સામે આવી ગયો છે