ઈરાન અને અમેરિકા યુદ્ધના પડઘા ઘરે ઘરે પડ્યા છે અને ઘરેલુ તેમજ કોમર્શિયલ એલપીજી બંનેના ભાવમાં નોંધપાત્ર વધારો થયો છે, એટલું જ નહી, આ ભાવ વધારો આજે શનિવારથી જ અમલમાં આવ્યો છે ઘરેલુ ગેસ સિલિન્ડરના ભાવમાં ₹60નો વધારો થયો છે, જ્યારે કોમર્શિયલ એલપીજીના ભાવમાં એક વર્ષમાં બીજી વખત ₹100 થી વધુનો વધારો થયો છે. નોંધનીય છે કે, લગભગ ત્રણ વર્ષ પછી, કોમર્શિયલ એલપીજીના ભાવ ₹2000 ને વટાવી ગયા છે. જોકે, સામાન્ય માણસને સૌથી મોટો આંચકો ઘરેલુ ગેસ સિલિન્ડરના ભાવમાં વધારો થયો તે છે, જેમાં લગભગ 11 મહિના પછી વધારો જોવા મળ્યો છે.બીજી બાજુ કેન્દ્રીય પેટ્રોલિયમ અને કુદરતી ગેસ મંત્રી હરદીપ સિંહ પુરીએ ખાતરી આપી હતી કે દેશમાં કોઈ ઉર્જાની અછત રહેશે નહીં અને ગ્રાહકોએ પુરવઠામાં વિક્ષેપની ચિંતા કરવાની જરૂર નથી.

ઘરેલુ ગેસ સિલિન્ડરના ભાવમાં છેલ્લો વધારો એપ્રિલ 2025માં થયો હતો. રસપ્રદ વાત એ છે કે, લગભગ છ વર્ષમાં ઘરેલુ ગેસ સિલિન્ડરના ભાવમાં આ સૌથી મોટો વધારો છે. છેલ્લા છ વર્ષમાં, ઘરેલુ ગેસ સિલિન્ડરના ભાવમાં 50 રૂપિયાથી વધુનો વધારો થયો નથી. આ પહેલી વાર છે જ્યારે ઘરેલુ ગેસ સિલિન્ડરના ભાવમાં 60 રૂપિયાનો વધારો થયો છે. નિષ્ણાતો માને છે કે મધ્ય પૂર્વ કટોકટીને કારણે ગેસ પુરવઠામાં નોંધપાત્ર વિક્ષેપ પડ્યો છે.દિલ્હીમાં, 14.2 કિલોગ્રામના ઘરેલુ સિલિન્ડરના ભાવ 853 રૂપિયાથી વધીને 913 રૂપિયા થઈ ગયા છે

હોર્મુઝ સ્ટ્રેટ બંધ થવાથી ગેસ પુરવઠો સંપૂર્ણપણે ખોરવાયો

હોર્મુઝ સ્ટ્રેટ બંધ થવાથી ગેસ પુરવઠો સંપૂર્ણપણે ખોરવાઈ ગયો છે. તેના કારણે ભાવમાં વધારો થયો છે. આગામી દિવસોમાં ગેસ સિલિન્ડરના ભાવમાં વધુ વધારો થઈ શકે છે. જો આવું થાય, તો ઘરેલુ ગેસ સિલિન્ડરના ભાવ ટૂંક સમયમાં ₹1,000 ને વટાવી શકે છે.

ઘરેલુ ગેસ સિલિન્ડરના ભાવમાં છેલ્લો વધારો 8 એપ્રિલ, 2025 ના રોજ થયો હતો. તે સમયે, ઘરેલુ ગેસ સિલિન્ડરના ભાવ ₹50 વધ્યા હતા.

ઘરેલુ ગેસ સિલિન્ડરના ભાવમાં આ સતત બીજો વધારો છે. નોંધનીય છે કે, 2022 પછી આ પહેલી વાર છે જ્યારે ઘરેલુ ગેસ સિલિન્ડરના ભાવમાં સતત બે વાર વધારો જોવા મળ્યો છે. દરમિયાન, ચારેય મહાનગરોમાં ઘરેલુ ગેસ સિલિન્ડરના ભાવ ₹900 ને વટાવી ગયા છે. 30 મહિનામાં આવું પહેલી વાર બન્યું છે. ચારેય મહાનગરોમાં છેલ્લે 30 ઓગસ્ટ, 2023 ના રોજ ઘરેલુ ગેસ સિલિન્ડરનો ભાવ ₹900 ને વટાવી ગયો હતો. ઘરેલુ ગેસ સિલિન્ડરના ભાવમાં છેલ્લો વધારો ફેબ્રુઆરી 2020 માં થયો હતો, જ્યારે તે ₹144.5 હતો. હવે આ ₹60 નો વધારો છે.

ક્યા શહેરમાં ઘરેલું બાટલાનો કેટલો ભાવ

દિલ્હી 913

કોલકાતા 939

મુંબઈ 912.50

ચેન્નાઈ 928.50

બીજી બાજુ, વાણિજ્યિક ગેસ સિલિન્ડરનો ભાવ પણ 2000 રૂપિયાને પાર કરી ગયો છે. નોંધનીય છે કે, મે 2023 પછી આવું પહેલી વાર બન્યું છે.

ગેસ સિલિન્ડરના ભાવમાં કેમ વધારો થવાનું કારણ

ઉદ્યોગ અધિકારીઓએ જણાવ્યું હતું કે પશ્ચિમ એશિયામાં લશ્કરી સંઘર્ષ ફાટી નીકળવાના કારણે વૈશ્વિક ઉર્જાના ભાવમાં તીવ્ર વધારો વચ્ચે આ વધારો થયો છે. તાજેતરમાં, કેન્દ્રીય પેટ્રોલિયમ અને કુદરતી ગેસ મંત્રી હરદીપ સિંહ પુરીએ ખાતરી આપી હતી કે દેશમાં કોઈ ઉર્જાની અછત રહેશે નહીં અને ગ્રાહકોએ પુરવઠામાં વિક્ષેપની ચિંતા કરવાની જરૂર નથી.એક પોસ્ટમાં, તેમણે કહ્યું, "અમારી પ્રાથમિકતા આપણા નાગરિકોને સસ્તું અને ટકાઉ ઇંધણ પૂરું પાડવાની છે, અને અમે તે સરળતાથી કરી રહ્યા છીએ. ભારતમાં કોઈ ઉર્જાની અછત નથી.ભાવ વધારો કરવો પડે તે અનિવાર્યતા હતી.