રાજકોટ–ભાવનગર હાઈવે પર યુનિક સ્કૂલ પાસે તત્રં દ્રારા બનાવવામાં આવેલા સ્પીડ બ્રેકરને દૂર કરવાની માંગ ઉઠી છે. આ સ્પીડ બ્રેકરના કારણે વાહનચાલકોને ભારે હાલાકીનો સામનો કરવો પડી રહ્યો છે અને અકસ્માતના બનાવો પણ વધી રહ્યા હોવાનો આક્ષેપ કરવામાં આવ્યો છે.
આ મામલે વીરનગર ગ્રામ પંચાયત તેમજ તાલુકા પંચાયતના સદસ્ય દ્રારા તંત્રને લેખિતમાં રજૂઆત કરવામાં આવી હોવા છતાં હજુ સુધી કોઈ નક્કર પગલાં લેવામાં આવ્યાં નથી. જેના કારણે વાહનચાલકોમાં ભારે નારાજગી જોવા મળી રહી છે.
ખાસ કરીને રાત્રિના સમયે આ સ્પીડ બ્રેકર વાહનચાલકો માટે જોખમી બની રહ્યું હોવાની ફરિયાદો ઉઠી રહી છે. વાહનોને નુકસાન થવાની સાથે અકસ્માતનો ભય પણ સતત સતાવી રહ્યો છે. વારંવાર અકસ્માતના બનાવો બનતા હોવા છતાં તત્રં દ્રારા આ સમસ્યાનો ઉકેલ લાવવામાં આવતો ન હોવાને કારણે અનેક સવાલો ઊભા થયા છે