રાજકોટ શહેરના રેલનગર વિસ્તારના મકાનમાંથી મહિલા સંચાલિત જુગારધામ પર પ્ર.નગર પોલીસે દરોડો પાડી મકાનમાલિક સહિત નવ મહિલાઓની ઝડપી લીધી હતી. પોલીસે પટમાંથી રૂ.13,250 ની રોકડ કબ્જે કરી હતી. જુગારના દરોડાની જાણવા મળતી વિગતો મુજબ, પ્ર.નગર પોલીસ મથકના પીઆઇ એમ.ડી. મકવાણાના માર્ગદર્શને હેઠળની ટીમો પ્રયત્નશીલ હતી. દરમિયાન પોલીસ ટીમને હકીકત મળી હતી કે, રેલનગર શેરી નં.-1 ખાતે આવેલ મકાનમાં જુગારધામ ધમધમી રહ્યું છે. જેથી તાત્કાલિક પ્ર.નગર પોલીસની ટીમે રેલનગર શેરી નં.-1 ખાતે  જડેશ્વર મકાનમાં દરોડો પાડતા અહીં નવ મહિલાઓ ગોળ કુંડાળું વળી જુગાર રમતી ઝડપાઈ હતી. જેથી પ્ર.નગર પોલીસની ટીમે અહીંથી જુગટુ ખેલતી ઘરધણી મહિલા ભાવનાબેન હરીશભાઈ ત્રિવેદી (ઉવ 65),  ભારતીબેન ગણેશભાઈ દાબસરા (ઉવ 46), ભારતીબેન દિનેશભાઈ સોલંકી (ઉવ 22), પુર્ણાબા ઘોઘસિંહ ઝાલા (ઉવ 45), જોસનાબેન પ્રવીણભાઈ ધામેચા (ઉવ 42),  ઈન્દુમતીબેન અશોકભાઈ હરિયાણી (ઉવ 66), ગીતાબેન મગનભાઈ રંગપરા (ઉવ 49), શીતલબા શક્તિસિંહ જાડેજા (ઉવ 45) અને રાખીબેન સંદીપભાઈ ત્રિવેદી (ઉવ 40) ની ધરપકડ કરી જુગારના પટમાંથી રોકડ રૂ. 13250 કબજે કરી કાયદેસરની કાર્યવાહી હાથ ધરી હતી.