તરઘડી ગામની સીમમાં આવેલી કેસરધાણી હોટલની પાછળ ગોલ્ડન એંકર સોસાયટીમાં મકાનમાં ચાલતા જુગારધામ પર એલસીબીની ટીમે દરોડો પાડી અને જુગાર રમતા છ શખ્સોને ઝડપી લીધા હતા. પોલીસે પટમાંથી રોકડ પિયા ૧.૪૬ લાખ મોબાઈલ ફોન, બ્રેઝા કાર સહિત . ૬.૩૬ લાખનો મુદ્દામાલ કબજે કર્યેા હતો. આ તમામ શખસો રાજકોટમાં રહેતા હોય અને મિત્રો હોય અહીં કાર લઇ જુગાર રમવા આવ્યા હતાં. જુગારના આ દરોડાની જાણવા મળતી વિગતો મુજબ, એસપી વિજયસિંહ ગુર્જર દ્રારા જિલ્લામાં ગેરકાયદે દા–જુગારની પ્રવૃત્તિ પર કડક કાર્યવાહી કરવા સૂચના આપવામાં આવી હોય જેને લઇ એલસીબી પીઆઇ જે.પી.રાવની રાહબરીમાં પીએસઆઇ એચ.સી. ગોહિલ તથા તેમની ટીમ પેટ્રોલિંગમાં હતી. દરમિયાન હકીકત મળી હતી કે, પડધરી તાલુકાના તરઘડી ગામની સીમમાં કેસરધાણી હોટલની પાછળ ગોલ્ડન એંકર સોસાયટીમાં આવેલા પ્લોટ નંબર ૩૧ માં ગિરીશ કાનજીભાઈ ફળદુ (રહે. રાજકોટ)ના મકાનમાં કેટલાક શખસો જુગાર રમી રહ્યા છે જેથી પોલીસની ટીમે અને દરોડો પાડતા અહીં જુગાર રમતા છ શખસોને ઝડપી લીધા હતા.
જુગાર રમતા ઝડપાયેલા શખસોમાં રાજકોટમાં રહેતા ગિરીશ કાનજીભાઈ ફળદુ (ઉ.વ. ૬૨ રહે. ભવનાથ પાર્ક ૪૦ ફુટ રોડ મવડી), મનસુખ હીરાભાઈ વોરા (ઉ.વ.૬૩ રહે. સંસ્કાર સીટી રામધણની બાજુમાં મવડી), નિલેશ મણીલાલ પાટડીયા (ઉ.વ.૪૬ રહે મીલપરા મેઇન રોડ આદિનાથ એપાર્ટમેન્ટ), નિતીન ગોવિંદભાઈ રામાણી (ઉ.વ.૪૮ રહે નવનીત હોલ પાસે, હરિધવા રોડ), નરશી બાબુભાઈ ગઢીયા (ઉ.વ. ૬૧ રહે. મવડી, ૧૫૦ ફટ રીંગ રોડ પટેલ બોડિગ સામે) અને નિકુંજ બાવાલાલ પરસાણા (ઉ.વ. ૩૭ રહે. કોઠારીયા રોડ શ્રી રામ પાર્ક)નો સમાવેશ થાય છે. પોલીસે પટમાંથી રોકડ પિયા ૧.૪૬ લાખ ૭ મોબાઈલ ફોન બ્રેઝા કાર સહિત . ૬,૩૬,૬૦૦ નો મુદામાલ કબજે કરી આ શખસો સામે જુગારધારાની કલમ હેઠળ ગુનો નોંધી જરી કાર્યવાહી કરી હતી.