રાજકોટમાં રેસકોર્સ પાસે આવેલી સેન્ટ્રલ જીએસટી કચેરીમાં જીએસટી ઇન્સ્પેકટર .૫ હજારની લાંચ લેતા એસીબીના છટકામાં રંગેહાથ ઝડપતા કચેરીમાં સોંપો પડી ગયો હતો.વેપારીએ કંપનીના જીએસટી નંબર મેળવવા માટે ઓનલાઇન અરજી કરી હોય તે એપ્રુવ કરી કરાવી આપવા માટે અડધા લાખના પગરદાર આ અધિકારીએ લાંચ માંગી હતી. રાત્રીના એસીબીની ટીમે અધિકારીના ઘરે જડતી લીધી હતી.જોકે તેમાં કઇં ખાસ મળ્યું ન હતું.હાલ આ મામલે ગુનો નોંધી લાંચીયા અધિકારીના રિમાન્ડ મેળવવા તજવીજ હાથ ધરવામાં આવી છે.આ અંગે વધુ તપાસ દ્રારકા એસીબીની ટીમ ચલાવી રહી છે.
જાણવા મળતી વિગતો મુજબ,એસીબીના ઇન્ચાર્જ મદદનીશ નિયામક કે.એચ.ગોહિલના સુપરવીઝન હેઠળ સુરેન્દ્રનગર એસીબીના પીઆઇ એમ.એમ.લાલીવાલા તથા ટીમે રાજકોટમાં રેસકોર્સ પાસે આવેલી સેન્ટ્રલ જીએસટી કચેરીમાં ટ્રેપ ગોઠવી જીએસટી ઇન્સ્પેકટર શ્રીરામ ભરતલાલ મીનાને .૫ હજારની લાંચ લેતા રંગેહાથ ઝડપી લીધો હતો.
વધુમાં જાણવા મળતી વિગતો મુબજ,ફરીયાદી જીએસટી લગત સેવા આપવાનું કામ કરે છે. ફરીયાદીના ગ્રાહકની ખાનગી કંપની માટે જી.એસ.ટી. નંબર મેળવવા માટે ઓનલાઇન રજીસ્ટ્રેશન કરેલ તે એપ્રુવ કરાવી આપવા માટે આ કામના આક્ષેપીતે ફરિયાદી પાસે ગેરકાયદેસર લાંચ ા.૫,૦૦૦ ની માંગણી કરી હતી. જે લાંચની રકમ ફરીયાદી આપવા માંગતા ન હોય ફરીયાદીની ફરીયાદ આધારે આજરોજ આક્ષેપીત કચેરી ખાતે ગોઠવેલ લાંચના છટકા દરમ્યાન આ કામના આક્ષેપીતે ફરીયાદી સાથે હેતુલક્ષી વાતચીત કરી, ગેરકાયદેસર લાંચની રકમ ા.૫,૦૦૦ ફરીયાદી પાસેથી માંગી આ રકમ સ્વીકારતા રંગેહાથ ઝડપાઇ ગયા હતાં.રાત્રીના એસીબીની ટીમે જીએસટી ઇન્સ્પેકટરના ઘરે તપાસ કરતા તેમાં કઇં ખાસ મળી આવ્યું ન હતું.આ મામલે આ અધિકારી સામે ગુનો નોંધાવમાં આવ્યો છે.આગળની તપાસ દ્રારકા એસીબીની ટીમ દ્રારા કરવામાં આવશે.