લોકસભા ચૂંટણી 2024ને લઈને વધી રહેલી રાજકીય ગતિવિધિઓ વચ્ચે તમામ પક્ષો ચૂંટણીના મુદ્દા લઈને જનતાની વચ્ચે જઈ રહ્યા છે. પક્ષો શક્તિ પ્રદર્શન કરી રહ્યા છે. ત્યારે ચૂંટણી પંચ અને પોલીસની ટીમ આચારસંહિતા હેઠળ સમગ્ર દેશ પર નજર રાખી રહી છે. કણર્ટિકમાં દરોડા દરમિયાન પોલીસને અઢળક સંપત્તિ મળી આવી છે. પોલીસે અહીંથી 5 કરોડ રૂપિયા રોકડા અને 106 કિલો સોનું અને ચાંદી જપ્ત કર્યા છે.

કણર્ટિકમાં ચૂંટણીઓ વચ્ચે એક મોટા દરોડામાં પોલીસે જ્વેલરી શોપ્ના માલિકના ઘરેથી 5.60 કરોડ રૂપિયા રોકડા, 3 કિલો સોનું, 103 કિલો ચાંદીના દાગીના અને 68 ચાંદીના બાર જપ્ત કર્યા છે. કણર્ટિકના બેલ્લારી શહેરમાં આ દરોડા પાડવામાં આવ્યા છે. જ્વેલરીની કિંમત 2 કરોડથી વધુ આંકવામાં આવી છે. પોલીસે કુલ 7.60 કરોડનો મુદ્દામાલ જપ્ત કર્યો છે.

પોલીસ અધિકારીઓનું કહેવું છે કે જ્વેલરી શોપ્ના માલિક નરેશના ઘરેથી મોટી રકમ રોકડ અને ઘરેણાં મળી આવ્યા છે. તેને કસ્ટડીમાં લેવામાં આવ્યો છે અને તેની પૂછપરછ કરવામાં આવી રહી છે. પોલીસ સૂત્રોએ જણાવ્યું કે એક બાતમીના આધારે પોલીસને માહિતી મળી હતી કે બ્રુસાપેટ પોલીસ સ્ટેશન વિસ્તારમાં જ્વેલરના ઘરે મોટી રકમ રોકડ અને ઘરેણાં રાખવામાં આવ્યા છે. કણર્ટિક પોલીસે અલગ કલમ 98 હેઠળ કેસ નોંધ્યો છે. તપાસ શરૂ કરવામાં આવી છે અને આ કેસમાં વધુ પૂછપરછ માટે આરોપીને આવકવેરા વિભાગને સોંપવામાં આવશે.