રાજકોટ જિલ્લામાં નશાકારક સિરપના કાળા કારોબારનો પર્દાફાશ થયો છે. જેમાં રાજકોટ રૂરલ એસઓજીએ આટકોટ નજીકથી નશાકારક સિરપના જથ્થા સાથે બાબરાના એક શખ્સને ઝડપી પાડ્યો છે અને આગળની કાર્યવાહી હાથ ધરી હતી.

પ્રાપ્ત માહિતી પ્રમાણે રાજકોટ જિલ્લાના આટકોટ પાસે રાજકોટ રૂરલ એસઓજીને બાતમી મળી હતી. આ બાતમીના આધારે ચેકિંગ હાથ ધરવામાં આવ્યું હતુ. જેમાં આટકોટ પાસે એક એસેન્ટ કારને રોકવામાં આવી હતી. કારમાં ચેકિંગ દરમિયાન પાછળની સીટમાં એક બોક્સ મળી આવ્યું હતુ. જેમાં નશાકારક સિરપ મળી આવી હતી. હાલ તો પોલીસ દ્વારા જથ્થો કબ્જે કરી એફએસએલમાં મોકલવાની કામગીરી હાથ ધરવામાં આવી છે.

બાબરાનો શખ્સ ઝડપાયો

બાતમીના આધારે પોલીસ દ્રારા ચેકિંગ હાથ ધરવામાં આવતા આટકોટ પાસે બાબરાના અમરાપરા વિસ્તારમાં રહેતા શખસને 2400 બોટલના નશાકારક સિરપના જથ્થા સાથે ઝડપી લેવામાં આવ્યો છે.