રાજકોટ ગ્રામ્ય પોલીસ દ્રારા ગુમ થયેલા અને ચોરી થયેલા .૨૬.૫૦ લાખની કિંમતના ૧૬૩ મોબાઈલ ફોન શોધી મૂળ માલિકને પરત કર્યા હતા.
રાજકોટ જિલ્લા પોલીસવડા જયપાલસિંહ રાઠોરની સૂચના હેઠળ ડિવાઇએસપી એસ.એસ. રઘુવંશીના માર્ગદર્શન હેઠળ પી.એસ.આઇ એચ. એચ. વાજા તથા કોમ્પ્યુટર શાખાના સ્ટાફે મળી અરજદારોના ગુમ અને ચોરી થયેલા મોબાઈલ ફોન શોધી કાઢવા માટે તપાસ હાથ ધરી હતી. રાજકોટ ગ્રામ્ય જિલ્લા ઉપરાંત રાયના અલગ–અલગ જિલ્લાઓ તેમજ મધ્યપ્રદેશ, ઉત્તરપ્રદેશ, બિહાર, ઓરિસ્સા,આંધ્ર પ્રદેશ વેસ્ટ બંગાળ, મહારાષ્ટ્ર્ર,હરિયાણા તથા રાજસ્થાનમાંથી પણ અરજદારોના ગુમ અને ચોરી થયેલા મોબાઇલ ફોન ટ્રેસ કરી ચાલુ વર્ષમાં ત્રણ માસ દરમિયાન કુલ ૧૬૩ ફોન શોધી કાઢી અરજદારની પરત આપવામાં આવ્યા છે.
રાજકોટ ગ્રામ્ય પોલીસે વર્ષ ૨૦૨૧ માં ૪૩૯, ૨૦૨૨ માં ૩૪૨ તથા ૨૦૨૩ માં ૮૩૩ મોબાઈલ ફોન શોધી કાઢા હતા. આ કામગીરીમાં એએસઆઈ ચંદ્રેશભાઇ ખોખર, કોન્સ્ટેબલ ભાવેશભાઈ મકવાણા, પ્રવીણભાઈ ટીંબલ, મયુરભાઈ ઝાપડિયા, શારદાબેન ચંદ્રપાલ સહિતનાઓ સાથે રહ્યા હતા.
પોલીસ દ્રારા અપીલ કરવામાં આવી છે કે,કોઈપણ નાગરિકે બીલ વગરના મોબાઇલ ન લેવા તેમજ બિનવારસી મોબાઈલ મળે ત્યારે નજીકના પોલીસ મથકમાં જમા કરાવી નાગરિક તરીકેની ફરજ નિભાવવી