એસએમસી સૂત્રોમાંથી મળતી વિગતો મુજબ રાજ્ય સ્ટેટ મોનિટરિંગ સેલના વડા નિલિપ્ત રાય, એસ.પી મયુર ચાવડા ના માર્ગદર્શન હેઠળ સ્ટેટ મોનિટરિંગ સેલ ના પીઆઇ આર કે કરમટા અને ટીમ પશ્ચિમ કચ્છના ભુજ પંથકમાં ચકાર ગામે ચોક્કસ બાતમીના આધારે હરતી ફરતી જુગાર ક્લબ માં ઓચિંતો દરોડો પાડ્યો હતો.

એસ એમ સી એ દરોડો પાડતા જાહેરમાં ચાલતી જુગાર ક્લબમાં રીતસરની નાસભાગ મચી ગઈ હતી અને 18 જેટલા જુગારીઓ નાસી છૂટવામાં સફળ રહ્યા હતા પરંતુ એક ડઝન જેટલા આરોપીઓ રંગે હાથ ઝડપાઈ ગયા હતા પોલીસે જુગારના પટમાંથી રોકડા 4.63 લાખ 15 મોબાઇલ કિંમત રૂપિયા ૮૫ હજાર 14 વાહન કિંમત રૂપિયા ૪૭.૮૦ લાખ સહિત કુલ રૂપિયા 53.31 લાખનો મુદ્દામાલ કબજે કર્યો હતો.તેમજ ઝડપાયેલા 12 આરોપીઓની ધરપકડ કરી હતી તેમજ નાસી છૂટેલા18 જેટલા વોન્ટેડ આરોપીઓની શોધખોળ શરૂ કરી છે.