સખી સ્વદેશી માર્ટ થકી સખી મંડળની બહેનોને સટોલ પ્રદર્શન દ્વારા રોજગારીની સાથે વૈશ્વિક સ્તરે પોતાની હસ્તકલાને વિસ્તરવાની તક મળી રહી છે. અહીંના હવાઈ મુસાફરોને સૌરાષ્ટ્રની ગ્રામીણ કલા મંડલા, પટારી તથા પટોળાની હાથ બનાવટની કલાત્મક ચીજ વસ્તુઓનો ખજાનો ખરીદવાની સુવિધા મળી રહી છે.રાજકોટ એરપોર્ટના પ્રવાસીઓને સૌરાષ્ટ્ર વિસ્તારની હસ્તકલાની વિવિધ ચીજ વસ્તુઓ ઉપલબ્ધ કરાવવા માટે સખી સ્વદેશી માર્ટના સ્ટોલનું ઉદ્ઘાટન કરાવવામાં આવ્યું છે.

મંત્રી કુંવરજી બાવળિયાએ સ્ટોલ પર પ્રદર્શિત કલાત્મક ચીજ વસ્તુઓને નિહાળીને તેમના કલા-કૌશલ્યને બિરદાવ્યા હતા. તો પ્રથમ દિવસે જ રૂપિયા 53 હજારની હસ્તકલાની ચીજ વસ્તુઓની ખરીદી કરી અને મુસાફરોએ પણ આ સ્ટોલને વધાવી લીધો છે.મંત્રી કુવરજીભાઈ બાવળિયાએ આ પ્રસંગે જણાવ્યું હતું કે આ સ્ટોલના માધ્યમથી હર ઘર સ્વદેશી અને આત્મનિર્ભર ભારતના સ્વપ્નને સાકાર કરવામાં સખીમંડળની બહેનો મહત્વપૂર્ણ યોગદાન આપી રહી છે. તેમણે બહેનોને ઉજવળ ભવિષ્ય માટે શુભકામના પાઠવી હતી.