માઈક્રોસોટના ચેરમેન અને ચીફ એકિઝકયુટિવ ઓફિસર સત્યા નડેલા વિશ્વભરના ભારતીય સીઈઓની યાદીમાં ટોચ પર છે. તેમને પ્રથમ વખત એચએસબીસી હત્પન ગ્લોબલ ઇન્ડિયન લિસ્ટ ૨૦૨૪માં ટોચ પર સ્થાન આપવામાં આવ્યું છે. આ યાદીમાં વિશ્વની સૌથી મૂલ્યવાન કંપનીઓનું નેતૃત્વ કરતા ૨૨૬ એકિઝકયુટિવ્સનો સમાવેશ થાય છે. નડેલા પછી, આલ્ફાબેટના સીઈઓ સુંદર પિચાઈ બીજા સ્થાને છે અને યુટુબના સીઈઓ નીલ મોહન ત્રીજા સ્થાને છે. હત્પનના મતે, આ યાદી ૪૦૦ લોકોના સર્વે પર આધારિત છે અને તેમાં સંપત્તિ સર્જકોનો સમાવેશ થાય છે.
આ અધિકારીઓની આગેવાની હેઠળની કંપનીઓનું સંયુકત મૂલ્ય લગભગ ૧૦ ટિ્રલિયન ડોલર છે. યાદીમાં સમાવિષ્ટ્ર કંપનીઓને તેમના બજાર મૂડીકરણના આધારે અને મૂલ્યાંકનના આધારે અનલિસ્ટેડ કંપનીઓને ક્રમ આપવામાં આવ્યો છે. યાદીમાં ઉલ્લેખ છે કે ભારતીય મૂળના અધિકારીઓ વિશ્વ પર પ્રભુત્વ ધરાવે છે. યાદીમાં સામેલ ૭૯ ટકા લોકો અમેરિકામાં રહે છે. તેના પાંચ ટકા લોકો બ્રિટનમાં અને ચાર ટકા સંયુકત આરબ અમીરાતમાં રહે છે. સાન ફ્રાન્સિસ્કોમાં સૌથી વધુ અધિકારીઓ છે. તે શહેરમાં ૩૭ કંપનીઓના ટોચના અધિકારીઓ રહે છે. તે પછી ન્યુ યોર્ક અને કેલિફોર્નિયાના પાલો અલ્ટોનો ક્રમ આવે છે.