દિલ્હી યુનિવર્સિટીની સેન્ટ સ્ટીફન કોલેજમાં નવા શૈક્ષણિક સત્રની શઆત ડ્રેસ કોડના વિવાદ સાથે થઈ હતી. કોલેજ વહીવટીતંત્રે કેમ્પસના અનેક મુખ્ય વિસ્તારોમાં શોટર્સ પહેરવા પર ઔપચારિક પ્રતિબધં મૂકયા બાદ, વિધાર્થીઓએ પહેલા જ દિવસે વિરોધ શ કર્યેા હતો. મોટી સંખ્યામાં વિધાર્થીઓ શોટર્સ પહેરીને પહોંચ્યા હતા અને આ નિર્ણય પર નારાજગી વ્યકત કરી હતી.
કોલેજ દ્રારા જારી કરાયેલી નોટિસ અનુસાર, વિધાર્થીઓને વર્ગખંડો, એસેમ્બલી હોલ, લાઇબ્રેરી, ડાઇનિંગ હોલ અને ચેપલ જેવા વિસ્તારોમાં શોટર્સ પહેરવાની મંજૂરી આપવામાં આવશે નહીં. કેમ્પસમાં પોસ્ટ કરાયેલી નોટિસમાં તમામ જુનિયર સભ્યોને નિર્ધારિત ડ્રેસ કોડનું કડક પાલન કરવાની સૂચના આપવામાં આવી છે. નોટિસ પર કોલેજના નવા પ્રિન્સિપાલ સુસાન એલિયાસ દ્રારા સહી કરવામાં આવી છે.જોકે, ઘણા કોલેજના વિધાર્થીઓ કહે છે કે વ્યવહારમાં, આ નિયમ ફકત જુનિયરો પર જ નહીં પરંતુ સિનિયરો પર પણ લાગુ કરવામાં આવી રહ્યો છે. આ સંદર્ભમાં પ્રિન્સિપાલ તરફથી કોઈ જાહેર પ્રતિભાવ મળ્યો નથી.
કોલેજના વિધાર્થીઓ કહે છે કે કપડાંની પસંદગી વ્યકિતગત સ્વતંત્રતાનો એક ભાગ છે અને આવા પ્રતિબંધોને વાજબી ઠેરવી શકાય નહીં. ઘણા વિધાર્થીઓએ તેને નૈતિક પોલીસિંગ ગણાવ્યું, અને કહ્યું કે સંસ્થાએ વિધાર્થીઓના કપડાં કરતાં શિક્ષણ અને કેમ્પસના વાતાવરણ પર વધુ ધ્યાન કેન્દ્રિત કરવું જોઈએ. જો કે, વિધાર્થીઓ એવો પણ દાવો કરે છે કે શિક્ષકોએ તેમને ખાતરી આપી છે કે આ સમયે નોટિસનો કડક અમલ કરવામાં આવશે નહીં.કોલેજ સાથે સંકળાયેલા વિધાર્થીઓ અને શિક્ષકોના જણાવ્યા મુજબ, કેમ્પસના અમુક ભાગોમાં શોટર્સ પહેરવા પર વર્ષેાથી અનૌપચારિક રીતે પ્રતિબધં છે. લોકોને આવા પોશાક ટાળવાની સલાહ આપવામાં આવી હતી, ખાસ કરીને ડાઇનિંગ હોલ અને પ્રિન્સિપાલની ઓફિસની આસપાસ. ફરક માત્ર એટલો છે કે આ વખતે, પહેલી વાર, સ્પષ્ટ્ર લેખિત સૂચના દ્રારા તેને સત્તાવાર રીતે ઔપચારિક બનાવવામાં આવ્યું છે.