સોના અને ચાંદીના ભાવમાં ઘટાડો હવે બંધ થઈ ગયો છે, કારણ કે છેલ્લા ચાર દિવસમાં તેમાં વધારો જોવા મળ્યો છે. છેલ્લા ચાર દિવસમાં ચાંદીમાં રૂ.12,000થી વધુનો વધારો થયો છે. તેવી જ રીતે, સોનાના ભાવમાં પણ નોંધપાત્ર ઉછાળો જોવા મળ્યો છે. આ વધારો એવા સમયે થયો છે જ્યારે વૈશ્વિક તણાવ વધી રહ્યો છે.

આજે સોના અને ચાંદીના ભાવ

આજે MCX પર સોનાના ભાવ રૂ.1,000 વધીને રૂ.1,49,900 પ્રતિ 10 ગ્રામ પર પહોંચ્યા. તેવી જ રીતે, કોમોડિટી બજારમાં ચાંદીના ભાવ લગભગ રૂ.3,500 વધીને રૂ.2,29,500 પ્રતિ કિલો પર પહોંચ્યા છે.

માત્ર ચાર દિવસમાં સોના અને ચાંદીમાં જોરદાર ઉછાળો 

૩ ઓગસ્ટના રોજ, MCX પર સોનાનો ભાવ લગભગ રૂ.૧.૪૩ લાખ હતો, જ્યારે ચાંદીનો ભાવ લગભગ રૂ.૨.૧૭ લાખ હતો. પરિણામે, માત્ર ચાર દિવસમાં સોનાનો ભાવ રૂ.૭,૦૦૦ વધ્યો છે, જ્યારે ચાંદીનો ભાવ રૂ.૧૨,૦૦૦ થી વધુ વધ્યો છે.​​​​​​​

ETF બજારમાં પણ ઉછાળો જોવા મળ્યો

સોના અને ચાંદીના ભાવમાં ઉછાળો જોવા મળી રહ્યો છે, પરંતુ ETF બજારમાં આટલો ઉછાળો જોવા મળ્યો નથી. આ સમયગાળા દરમિયાન ગોલ્ડ ETFમાં આશરે 3 થી 4 ટકાનો વધારો થયો છે. ચાંદીના ETFમાં પણ 4 થી 5 ટકાનો વધારો જોવા મળ્યો છે.

સોના અને ચાંદીના ભાવ કેમ વધી રહ્યા છે?

હોર્મુઝ સ્ટ્રેટ પર અમેરિકા અને ઈરાન વચ્ચે તણાવ વધ્યો છે. ઈરાને કહ્યું છે કે તે અમેરિકાના જહાજોને ત્યાંથી પસાર થવા દેશે નહીં. વધુમાં, ક્રૂડ ઓઈલના ભાવમાં પણ વધારો જોવા મળી રહ્યો છે. દરમિયાન, અમેરિકાના રોજગાર ડેટા સકારાત્મક રહેવાની ધારણા છે. આનાથી અમેરિકન ડોલર નબળો પડ્યો છે, જેના કારણે સોના અને ચાંદી જેવી સુરક્ષિત સંપત્તિના ભાવમાં વધારો થયો છે.

હાઈ ભાવ કરતાં કેટલું સસ્તું?

જાન્યુઆરી દરમિયાન સોના અને ચાંદીના ભાવમાં નોંધપાત્ર ઉછાળો જોવા મળ્યો. સોનું રૂ.1.93 લાખથી ઉપર ગયું હતું, જ્યારે ચાંદી રૂ.4.20 લાખ પર પહોંચી ગઈ હતી. પરિણામે, સોનું હજુ પણ રૂ.43,000 અને ચાંદી રૂ.1.91 લાખ સસ્તું છે.