બિહારના સીવાનમાંથી એક મોટા અકસ્માતના સમાચાર સામે આવ્યા છે. સીવાન જિલ્લાના જામો પોલીસ સ્ટેશન હદ વિસ્તાર હેઠળ આવતા અલમાપુર ગામમાં એક ઘરની અંદર વિસ્ફોટ થયો હોવાનું સામે આવ્યું છે. અધિકારીઓ દ્વારા પુષ્ટિ કરવામાં આવી છે કે આ ભયાનક ઘટનામાં 5 લોકોએ પોતાના જીવ ગુમાવ્યા છે.

પ્રાપ્ત પ્રાથમિક માહિતી મુજબ, આ વિસ્ફોટ ઘરની અંદર ફટાકડાના કારણે થયો હોવાની આશંકા વ્યક્ત કરવામાં આવી રહી છે. ધડાકો એટલો શક્તિશાળી હતો કે તેનાથી આસપાસના વિસ્તારમાં ભારે હડકંપ મચી ગયો હતો અને ઘટનાસ્થળે ભયનો માહોલ સર્જાયો હતો.

​​​​​​​ઘટનાની જાણ થતા જ પોલીસ અને પ્રશાસનના ઉચ્ચ અધિકારીઓ તાત્કાલિક ઘટનાસ્થળે દોડી આવ્યા હતા. રાહત અને બચાવ કામગીરી યુદ્ધના ધોરણે ચાલુ કરવામાં આવી છે, અને આ અકસ્માત પાછળના ચોક્કસ કારણો જાણવા માટે પોલીસ દ્વારા આગળની તપાસ હાથ ધરવામાં આવી રહી છે.