ખંભાળિયામાં વરલી ભક્ત ઝડપાયો

કલ્યાણપુરથી આશરે 20 કિલોમીટર દૂર રાજપરા ગામેથી સરકારી ખરાબામાંથી પોલીસે તીનપત્તી નામનો જુગાર રમી રહેલા સલાયાના ધીરજલાલ કાંતિલાલ લાલ, આશમ ઈસ્માઈલ ભાયા અને અમુલ વસંતભાઈ પંચમતીયા નામના ત્રણ શખ્સોને ઝડપી લઈ, રૂ. 12,400 નો મુદ્દામાલ કબજે કર્યો હતો. આ જ સ્થળે પાડવામાં આવેલા અન્ય એક દરોડામાં અલારખા ઇસ્માઈલ સર્વદી, સીદીક સુલેમાન સંઘાર, અને 17 ઇસ્માઈલ સંઘારને ઝડપી લઇ, રૂપિયા 13,600 નો મુદ્દામાલ કબજે કર્યો હતો.

ખંભાળિયાના ધીરજલાલ નાનજીભાઈ પાઉં નામના 70 વર્ષના વૃદ્ધને પોલીસે વરલી મટકાનો જુગાર રમતા ઝડપી લીધો હતો.

દ્વારકામાં ડ્રોન ઉડાવી, ફોટોગ્રાફી કરતા અમદાવાદના શખ્સ સામે ફરિયાદ

અમદાવાદના આંબલી વિસ્તારમાં રહેતા અને ફોટોગ્રાફીના વ્યવસાય સાથે સંકળાયેલા કુશ હરિશભાઈ પટેલ નામના 25 વર્ષના યુવાને દ્વારકામાં કીર્તિ સ્તંભ સર્કલ પાસે ડ્રોન ઉડાવી અને જોખમી કૃત્ય કરતા આ અંગે દ્વારકા પોલીસે કુશ પટેલ સામે જાહેરનામા ભંગની કલમ હેઠળ ગુનો નોંધી, ધોરણસર કાર્યવાહી કરી હતી.