આટકોટ જસદણ પંથકના કેટલાંક ગ્રામ્ય વિસ્તારોમાં ગઇ સાંજે પવન અને ગાજવીજ સાથે ધોધમાર એક ઈંચ જેટલો વરસાદ પડી જતાં ભીમ અગિયારસના શુકન જોઇને અનેક ખેડૂતોએ વાવણી કાર્ય શરૂ કરી દીધું હતું.ગઇકાલે આખો દિવસ ગરમી અને ઉકળાટ રહ્યા બાદ પવન અને વીજળીના કડાકા ભડાકા સાથે આટકોટ, જસદણ, ખારચીયા, જસાપર, જીવાપર સહિતના અનેક વિસ્તારોમાં ધોધમાર વરસાદ પડી જતાં ખેતરોમાં પાણી ભરાઇ જવા પામ્યા હતાં. આ વાવણીલાયક વરસાદ ભીમ અગિયારસના શુકન મુજબ આજે અનેક ખેડૂતોએ વાવણીકાર્ય શરૂ કરી દીધું હતું. હજી અનેક ખેતરોમાં પાણી ભરેલા હોય તેઓ બપોરબાદ વાવણી કરશે. તેમ જણાવ્યું હતું