દારૂના આ દરોડાની જાણવા મળતી વિગતો મુજબ, આજરોજ વહેલી સવારના સ્ટેટ મોનિટરિંગ સેલની ટીમે વેરાવળમાં દરોડો પાડી દારૂનો મોટો જથ્થો ઝડપી લીધો હતો. એસએમસીને ટીમે અહીં આવેલા હુડકો વિસ્તારમાં દારૂનો ૪૫૦ પેટીથી વધુનો જથ્થો ઝડપી લીધો હતો. જોકે દારૂના જથ્થાની ગણતરી ચાલી રહી હોય આ અંગે હજુ એસએમસી દ્વારા સત્તાવાર માહિતી આપવામાં આવી છે. ગણતરી થયા બાદ એસએમસી દ્વારા દરોડા દરમિયાન દારૂની કેટલી બોટલો ઝડપી લેવામાં તેમજ કેટલા આરોપીની ધરપકડ કરવામાં આવી છે તે અંગે માહિતી આપવામાં આવશે. સ્થાનિક પોલીસને ઉઘતી રાખી એસએમસીની ટીમે વેરાવળમાંથી દારૂનો મોટો જથ્થો ઝડપી લેતા ચકચાર મચી જવા પામી છે.