પોરબંદરમાં યોગ સમર કેમ્પનું આયોજન કરવામાં આવ્યુ છે, જેમાં બાળકોને નાસ્તો અને અવનવી ચીજવસ્તુઓ ભેટમાં આપવામાં આવે છે. ગુજરાત રાજય યોગ બોર્ડના ચેરમેન  યોગ સેવક  શિશપાલના માર્ગદર્શન હેઠળ ગુજરાતના તમામ જિલ્લાઓમાં બાળકો માટે સમર કેમ્પનું આયોજન કરેલું છે,તેમાં ગોઢાણીયા મહિલા કોલેજ પોરબંદર ખાતે સમર કેમ્પના છઠ્ઠા દિવસે દાતા તરીકે ગોરધનભાઈ ચાવડા યોગ કોચ  દ્વારા તમામ બાળકોને પ્રોત્સાહનરૂપે તેના તરફથી બોલપેન આપવામાં આવી તેમજ સ્વ. સરલાબેન મનસુખભાઈ કોટેચા હ. ક્રિષ્નાબેન કોટેચાના પરિવાર તરફથી બધા બાળકોને પ્રોત્સાહનરૂપે નોટબુક આપવામાં આવી. આ રીતે દાતાઓએ બાળકોને પ્રોત્સાહન‚પે ગિફ્ટ આપી તેમજ જીતુભાઈ મદલાણી યોગ શિક્ષક તરફથી બાળકોને દરરોજ અવનવી વિસરાયેલી ગેમ્સ  રમાડશે તેમજ ગુજરાત રાજ્ય યોગ બોર્ડ દ્વારા તમામ બાળકોને નિ:શુલ્ક પ્રોટીન યુક્ત નાસ્તો પણ આપવામાં આવે છે,આ તકે મુખ્ય સંચાલક  હાર્દિકભાઈ તન્ના તેમજ સહ સંચાલક રાજેશભાઈ સંચાલક  શિલ્પાબેન અપારનાથી માર્ગદર્શન હેઠળ યોગ કેમ્પ ચાલે છે તેમજ મહેમાન તરીકે જીવાભાઇ ખુંટી ગોઢાણીયા કોલેજ ડિપ્લોમા કોર્ડીનેટર  તેમજ હસમુખભાઈ શીલુ તેમજ પરેશભાઈ દુબલ તેમજ યોગ પરિવાર તેમજ બાળકોના વાલીઓએ ઉત્સાહભેર યોગ કર્યા અને સંકલ્પ પણ લીધો કે અમે દરરોજ આ સમર કેમ્પમાં હાજર રહીશું,બહોળી સંખ્યામાં બાળકો તેમજ વાલીઓ આ કેમ્પમાં જોડાયેલા છે.